23ê nîsane ra nata artêşa tirke ya îşxalker hêrişê herêmanê Metîna, Zap û Avaşînî kena. Dewleta tirke ya îşxalkere rixmê teknîkê xo pê xoverdayîşê gerîlayan nêeşkena. Gerîlayî pê terz û teknîkê dewrê neweyî şer kenê û derbanê giranan danê artêşa tirke ya îşxalkere ro.

Dewleta tirke ya îşxalkere semedo ke binkewtişa xo binimna rayîranê gemarinan ê şerî xebitnena. Dîmenê ke gerîlayan girewtê raştîya şerî eşkera kenê.

Hêzê gerîlayan Warê Xoverdayîşî yê Werxelê yê Avaşînî de bi îradeyêkê pîlî şer kenê, dest nanê teqaberanê îşxalkeran ser.

Goreyê texmînan nê dîmenî menga tebaxe de ameyî girewtene. Dîmenan de destsernayîş û bêtesîrkerdişê teqaberan yeno vînayene.