Gerîlayanê HPGyî yê ke vera hêrişanê dewleta tirke ya îşxalkere Heftanîn de bi hawayêkê bêhempayî xo ver danê , ard ziwan ke gerîla her warê de dano dişmenî ro û veng da şarî ke wa xoverdayîş her hetî ra bêro xurtkerdene.
Gerîlayanê HPGyî Ferman Memyan û Hemze Oxirî derheqê xoverdayîşê Heftanînî de ANFyî reyde qisey kerd.
Gerîla Ferman Memyanî vat: ''Propagandaya dişmenî raşt nîya. Heftanîn de çîyêk nêvisîya dest. Eqsê ci vînkerdişê dişmenî zaf ê. Her ca de ke dişmen wazeno şêro ci binê goşê xoverdayîşê gerîlayan de kewena. Kurdîstan sebe înan de bibo cehenem. Gerîlayî tim vera înan çalakîyan kenê. No seba nînan beno ters. ''
Gerîlayê HPGyî yê bi nameyê Hemze Oxirî zî vat: ''Ez venga şarê ma û şarê Başûrê Kurdîstanî dana ke vera îşxalan nêrazîbîyayîşê xo bi hawayêkê xurtî bimojnê. Senî ke gerîlayî koyan de şer kenê, şar zî seba paştdayîşê gerîlayan ganî şaristanan, deştan de çalakîyan bikero û heta ke îşxalkerî biqeda xo ver bido. Wext wextê şarê şorişgêrî yo.''
