Şûbeyê  Komeleya Heqanê Merdiman (ÎHD) yê Colemêrgî  kongreya xo ya 12. kerde.  Rêxistinê komelê sîvîlî û endamê Meclîsê Dayîkanê Haştîye tewrê ci bîyî. Kongre de Pankertê ''Tepişteyanê nêweşan rê azadîye'' û ''Çew nêeşkeno heqê tedawî asteng bikero'' vejîyayî vernî.

Hemsereka  Kongreya Komelê Demokratîkî (KCD) Leyla Guvena ke Zîndanê Qefilnayeyî yê Sîncanî de yena tepiştene mesajêk şawit. Guvene bale ante têkoşînê azadîye yê şarê Colemêrgî ser û vat Rayber Apoyî semedê prosesê haştîye rayîrêko muhîm akerd.

Guvene nê vatî: ''Hinî wextê haştîya bianore yo. Verê ma de firsetêko tarîxî est o û Birêz Ocalanî rayîrêko muhîm akerd. Dewlete gerek helêke cuwa ver sere de veradayîşê tepişteyan ê nêweşan, gamê ke hewce kenê bierzo û samîmîyetê xo ramojno, qesawatanê şarî werte ra wedaro.''

Hemsereka ÎHDyî ya Şubeyê Colemêrgî Sibele Çapraz zî bale ante binpaykerdişê heqan ser û vat dewlete gerek cade çîyê ke semedê prosesî hewce kenê bîyaro ca.

Wekîlê DEM Partî yê Colemêrgî Vezîr Coşkun Parlak zî bale ante ferqê butçeyê polîtîkayanê şerî û xizmetê şarî ser û vat ê kongreya PKKyî sey firsetê tarîxî vînenê.

Kongre de Sibele Çapraz û  Ozcan Akbaş sey hemserekanê Şubeyê ÎHDyî yê Colemêrgî ameyî vîjnayene.