Endama Komîteya Merkezî ya PKKyî Hêlîne Umît programêkê taybetî yê Medya Haber TVyî de rojdem erjna. Qiseykerdişê Hêlîne Umît ra qismêk wina yo:

''Eslê xo de dormeyê eşkerayî 27ê sibate de rojedemêko muhîm ame pê. Munaqeşeyî yenê kerdene. Xora nê qîm nêkenê. Teberê çîyanê ke rayrapêroyîye eşnawitî pêkerdişêko bîn çîn o. Ma nê zanê: Rayber Apoyî însîyatîfêk girewto xo ser, prosesêko wazeno aver bêro est o, na çarçewe de vengdayîş kerd. Dima ra partîya ma zî eşkerayîye daye. Embezî hewte de rayêke erjnayîşan kenê. Yew zî cepheyê îqtîdarî ra eşkerayî yenê kerdene.

Verê her çîyî ez zî wazenê nê vajî. Ma konjonkturê muhîm ra, prosesê muhîmî ra ravêrenê. Muhîmo ke na meseleya rojdem de ya û yena munaqeşekerdene. La ta hetê ci yê problemin est ê. Mesela îqtîdar vano wa kongre bêro kerdene çekî bêrê ronayene û na mesela biqefilîyo. Nê nizdîbîyayîşê raştî nîyê. Çunke meseleya kurdan seserrê Komara Tirkîya girewtî. Îqtîdar bi qesawetî nizdî beno la eslê xo de rîsko tewr gird Rayber Apoyî girewt û gama tewr muhîme zî ey eşte.  Wa no zî raşt bêro famkerdene; PKK hêzdar o û her hetî ra hêzê xo ramojneno. Ma her serre Newroze sey referandumî vînenî. Çunke Newroze bi PKKyî bîye Newroze. Ma na Newroze de dîye ke PKK her wextî ra hêzdar o.

Înan verê çimanê dinya de veng da. Rayberîye gamê ke hewce kenê eştî. Nika îqtîdar wazeno mesele bikirişo zemîne sîyasî û huqûqî ya nê? Perso esas no yo.Çunke Tirkîya de hetêko xurt est o ke şerî rant fînenê dest ke nê mîyanê îqtîdarî de zî est ê. Erdogan û Bahçelî mudaxaleyê nê hetê rantî kenê? Raşta demokratîkbîyayîşê Tirkîya wazenê? Gerek verî qerarê nê bidê. Xususêko muhîm no yo. Hinî çew nêeşkeno kurdan înkar bikero. Her kes kurdan sarisneno, estbîyayîşê kurdan zano, zano ke hinî wina nêşino.

Çarçewaya nê munaqeşeyan de çîyo bîno ke ez vana, derheqê kongre de yo.  Vanê qey vengdayîşê Rayber Apoyî ra dima kongre nêkenê. Wina muanqeşeyî dewam kenê.  Vanê heta ewro PKKyî senî ke kongreyê xo têna kerdî wa nika zî wina bikero. Raşt o PKK eşeno bi xo kongreya xo bikero la nika rewşe cîya ya. Xususê sey feskerdişê PKKyî, bedilnayîşê stratejîkî, ronayîşê çekan bi qerarê Rayberîye benê. Raşt o PKK wexto ke hewce kerd qerarê xo bi xo grewtî û pratîk de zî ardî ca. La bedilnayîş stratejîkî bi xo nêkerdî. PKK xo bi xo nêeşkeno fes bikero. Bê Rayberîye nêeşeno nê bikero. Têna Rayberîye eşkeno nê bikero.  Ma kongre bikerî zî no qerar nêvejîyen, bivejîyo zî ciwanî nêvindenê. Gerek no hol bêro famkerdene. Têna raştîya Rayberîye eşkena nê bikero. Coka gerek şertê Rayberîye bêrê bedilnayene û azadîya ci ya fîzîkîye bêro caardene.

Ti hem vanê bêrê heqê hêvî bişuxulnê, DEM de sîyaset bikerê û hem zî gamêke nêerzenê. Dima ra zî vanê şima kongre nêkenê proses sabote kenê‘ Nika ez persena kam sabote keno? Ma ne hetê îqtîdarî de yê ne zî hetê muxalefetî de yê. Ma demokratîkbîyayîşê Tirkîya wazenê. Ma wazenê wa pêro meseleyî na çarçewe de bêrê çarsekerdene.  Ma Tirkîya de hêzo serkêş ê têkoşînê demokratîkî yê.''