Partîya Çepe ya Fransa ra Jean-Cristhope Sellinî ard ziwan ke vengdayîşê Rayber Apoyî ra dima ganî PKK lîsteya terorî ra bêro vetene û vat: ‘’Ocalan ganî zîndanî ra bêro vetene û bi aktîfî prosesê çareserîya sîyasîye de rolê xo bîyaro ca.’’
Partîya Çepe ya Fransa ra Jean-Cristhope Sellinî derheqê Vengdayîşê Haştîye û Komelê Demokratîkî yê Rayber Apoyî de ajansê ma rê qisey kerd.
Sellinî vist vîrî ke DAÎŞ xêrê têkoşînê PKK, YPG û YPJyî ra ameyo binvistene û vat: ‘’Ganî PKK lîsteya terorî ra bêro vetene û Abdullah Ocalan zîndanî ra bêro vetene. Ganî Ocalan sey Mandelayî bieşko tewrê prosesê çareserîya sîyasîye bibo.’’
Sellinî îfade kerd ke Rojhelatê Mîyanênî de çar dînamîkê girîngî est ê. Sellinî vat: ‘’Oyo yewin PKK û têgêrayîşê azadîye yê kurdan o, oyo diyîn tecrubeyê demokrasîyî yê Rojawanê Kurdîstanî yo, oyo hîrêyîn sîyasetê DEM Partî yo û oyo çarin zî têgêrayîşê cinîyan ê Jin, Jiyan, Azadî yo.
Nê çar dînamîlî pîya eşkenê bêrê ercnayene û eke heqê tayînkerdişê çarenûsê xo, tecrubeyê demokrasîyî, femînîzm û azadîya Ocalanî bêrê caardene meseleyê pêroyî do çareser bibê.’’
