Komîteya TEV-ÇANDî bi eşkerayîyêke pare kerd ke endamanê Awazê Çiya ra Agir Serhildan (Aram Merdanî) 6ê çeleyê 2024î de şehîd bîyo.

Eşkerayîye wina ya:

‘’Embazê ma Agir Serhildan (Aram Merdanî) 6ê çeleyê 2024î de netîceya qezayêkê trafîkî de şehîd bi.

Embaz Agir 12ê adara 1996î de şaristanê Mahabadî yê Rojhelatê Kurdîstanî de dadîya xo ra beno. Rixmê îmkananê ke sîstemî pêşkêş kerdê embaz Agir keweno cigêrayîşan ra pey. O tim bi kultur û hunerê xo ciwîyeno. O beşê hunerî yê  zanîngehî bi serkewtişî qedîneno. O beşa

nê resim, muzîk û sînema de xo aver beno.

O hêverî tewrê xebatanê kultur û hunerî beno, embazanê ma nêzdî ra şinasneno û 2019 de zî tewrê gerîlayan beno. O Herêmanê Pawitişî yê Medya de perwerde vîneno. O dima tewrê xebatanê TEV-ÇANDî beno. O mîyanê Awazê Çiya de sey muzîsyenî cagêno. Embazê ma tim bi fedakarîya xo beno nimûne.

Embaz Agir sey hunermendêk û şorişgêrêkî mîrasêkê pîlî verdano. Ma do wayîrê mîrasê Mizgîn, Sefkan û Agiran vejîyê, xeyalanê înan bîyarê ca û têkoşîn bikerê.

Bi na wesîle ma keyeyê embaz Agirî rê, pêro hunermendanê azadîye û şarê Kurdîstanî rê serweşîye wazenê. Ma do xeta cuya azade ya Rayber Apoyî de, wayîrê ruhê embaz Agirî vejîyê û xeyalanê ci qetî bîyarê ca.’’