Paytextê Îtalya Roma de konferansê ‘Abdullah Ocalanî rê Azadîye, Meseleya Kurdan rê Çareserîye’ amebi kerdene. Konferans de Vengdayîşê Haştîye û Komelê Demokratîkî yê Rayber Apoyî amebi ercnayene.

Komunê Cinîyan ê Ciwanan ê Torinoyî zî beşdarê konferansê bibi. Endama komunî Auroraya 21 serre ANFyî rê qisey kerd. 

Aurora îfade kerd ke proseso nikayên zaf girîng o û înan no konferans de nîqaş kerd. Aurora vat: ‘’Rayber Apoyî bi afernayîşê kesayetanê azadan vurnayîşê şorişgêrî ardî ca. Fikr û felsefeya Rayber Apoyî heqanê merdiman, demokrasî, erjanê merdimatîye û xoza ser o ameyî awankerdene. Bi taybetî seba ma ciwanan fikrê Rayber Apoyî alternatîfêko pîl o. Beno ke Rayber Apo mîyanê sîstemî de tepişteyêko sîyasî yo. La o hêvîya ma yo.’’

Aurora bale ante girîngîya rêxistinîye ser û îfade kerd ke ciwanî seba rêxistinîye û awankerdişê sîstemêkê alternatîfî wayîrê enerjî û hişêkê pîlî yo. Aurora vat: ‘’Çar hetanê dinya de ganî ma têkilîya dostanîye mabênê şaran de awan bikerê. Ma eşkenê nasnameyê xo pîya awan bikerê. Azadîya Rayber Apoyî nika zaf girîng a. Çunke o mefteyê çareserîye û awankerdişê heskerdişê merdimatîye yo.’’