Gerîlaya YJA-Starî Zîlane Aydin û gerîlayê HPGyî Seydo Destînayî bi rayîrê ajansê ma Roşanê Gandarbîyayîşî yê 15ê Tebaxe fîraz kerd.

Gerîla Zîlane Aydin vat: ''15ê Tebaxe roşanê gandarbîyayîşî yê kurdan o. Hemleya 15ê Tebaxe bi sebebê berzkerdişê têkoşîn û xoverdayîşî. Hêrişî çend giranî bibê zî ma do qetî apey gamêke nêerzê. Ma 40 serrî yo têkoşîn kenê û do bikerê. Gerîlayî xeta mîrasê embazan Egîd, Zîlane û Bêrîtane xo rê kenê esas. Ma xoverdayîşî her roje pîlêr kenê. Ma soz danê ke bibê layîqê mîrasê xoverdayîşî yê şehîdan. Ma tewirê Rayber Apoyî do bikerê esas.''

Gerîla Seydo Destînayî vat: ''Hemleya 15ê Tebaxe rayîrêko roşnî mojna ma. Embaz Egîdî bi Hemleya 15ê Tebaxe mojna ma ke ma senî eşkenê vera dewleta tirke û îşxalkeranê bînan xo bipawê. Şarê kurdî û têgêrayîşê azadîye 1984 ra nata xeta şehîdan de şinê. Zap, Avaşîn, Metîna, Xakurkê û Herêmanê Pawitişî yê Medya de xoverdayîşêko pîl yeno kerdene ke paştîya xo Hemleya 15ê Tebaxe ra gêno. Ma do qetî qesasê şehîdan bigêrê.''