Komelgehê Demokratîk û Azadî yê Rojhelatê Kurdîstanî (KODAR) û Partîya Cuya Azade (PJAK) çarçewa hemleya 'Tecrîd, faşîzm, îşxalî rê bes o, wext wextê azadîye yo' ya  Konseya Rayberdişî ya KCKyî de bi eşkerayîyêka hempare hemleya 'Demokrasî rê heya, dardekerdişî rê nê' îlan kerde.

Eşkerayîye de ame vatene ke kurdî hewceyê azadîye yê û seba ke azadî bivisnê destî ganî rêxistinê şarî pîya têbigêrê. 

KODAR û PAJKî vat: ''Ma bi na eşkerayîya hempare Rojhelatê Kurdîstanî û Îran de bi şîarê 'Demokrasî rê heya, dardekerdişî rê nê' danê destpêkerdene. Ma bi nê hawayî tewrê xebetanê çar parçeyanê Kurdîstanî û Ewropa benê. Na hemle têna seba Kurdîstan û Rojhelatê Kurdîstanî nê seba pêro şaranê bindestan a.

Têkoşîno radîkal ê Rayber Apoyî hînî hetê pêro dinya ra şinasîyeno. Rayberê şaran ê bindestan Zîndanê Îmraliyî de yeno tecrîdkerdene. Têgêrayîşê Apoyî do destûr nêdê ke serdestî biresê armancê xo. Wextê azadîya şaran ê bindestan û yê Rayber Apoyî ameyo. Coka dişmenî hol zanenê  ke azadîya her di hetan girêdayîyê yewbînan a. Seba caardişê demokrasî û wedaritişê dardekerdişî ma do Rojhelatê Kurdîstanî û İran de têbigêrê, têkoşîn bikerê. Ma venga pêro şaranê Rojhelatê Kurdîstanî û Îranî danê ke tewrê hemle bibê. Ma eşkenê bi têkoşînê hemparî yewîya xo awan bikerê. Ma venga şarê ma yê Ewropa zî danê ke tewrê hemle bibê û vajê 'Rayber Apo Rayberê Azadî û Demokrasî yo'. Heta ke Rayber Apo azad nêbo ma zî azad nêbenê.''