Hemserekê DBPyî yê Amedî Mehmet Bakirî derheqê yewîya neteweyîye û hêrişanê dewleta tirke yê vera Başûrî de qisey kerd.

Bakirî îfade kerd ke hêzê mîyanneteweyî û hemkarê înan ê herêmîyî Peymana Qasr-i Şîrînî ra naya seba ke kurdî nêrê têhet têkoşîn kene. Bakirî vat: ''Kurdî 30-40 serran ra nata dewrêkê roşnî ciwîyenê. Tay kesî pê naye qayîl nîyê. Çunke ê wazenê Rojhelatê Mîyanênî û pêro dinya îdare bikerê. Coka hêrişê destkewteyanê kurdan kenê.

Kurdan seba ke yewîya xo bîyarê ca zaf xîret kerd, konferans, kombîyayîş û kongreyî kerdî. Netîceya nînan de zî xeylêk serkewtişî vistî destî. La hêzanê hegemonan verê kurdan girewt. Vakur de mabênê kurdan de yewîye esta. Na enerjî tesîrê kurdanê parçeyan ê bînan zî kena.

Hukmatê Başûrê Kurdîstanî sey partîyêka Tirkîya têgêrena. Dewleta tirke zerar dana sivîlan. Warê sivîlan dîyenê bombayan ver, dewî yenê vengkerdene û wazenê dewijan bikerê qoricî. Wazenê derbe bidê yewîya neteweyîye ro. Ma venga PDKyî danê ke seba yewîya neteweyîye bezreyê erzîya, bêrê ma pîya nê bezreyî zîl bikerê, xîret bikerê.''