Heyetê Îdareyî yê Şingalî rewşa Iraqî û kombîyayîşê înan ê bi hukmatê Iraqî yê 28ê tebaxe ser o eşkerayîyêke daye. Eşkerayîye de hêrişê Tirkîya yê vera Şingalî ameyî şermezarkerdene.

Eşkerayîye de bale ameye antene ser ke Serekkomarê Fransa Macron tewrê konferansî bi la rixmo ke soz dabi Şingal zîyaret nêkerd.

Eşkerayîye wina dewam kena: ''Tirkîya wazena pê rayîrê hêrişan Şingal veng bikera.7 serrî yo rayîr nêdîyeno ke şarê Şingalî abigêro erdê xo û kampan de manenê. La şarê ma kampanê PDKyî de beno qurban. 30ê tebaxe de reyna Tirkîya hêrişê kampa Qadîya kerd. Selahîyetdaranê PDKyî xîret kerd ke nê hêrişî binimnê. Ma venga Neteweyanê Yewbîyayeyan û  hukmatê Iraqî danê ke cade cayê serebûtî de cigêrayîşan bikerê û netîceyan zî rayaumûmîye reyde pare bikerê. Ma venga şarê xo yê kampan danê ke abigêro Şingal û bi hawayêkê azadî tîya de biciwîyo.''