Gerîlayî dêrweşê seserra 21. ê ke sey hawarîyanê Îsayî xo feda kenê, erdê xo pawenê. Ê roşnîya tîje ra hêz gênê, koyan reyde benê hemra û embazê vayê xidarî yê.

Erdogan zî sey Hitler, Mussolini û Franko do rîpelanê tarîyan ê tarîxî de ca bigêro. Merdimîye sey xoza azad û xidar a. Coka tarîye çend derg bîye zî peynî de tim tîje rîyê xo mojna. Êyê ke koyî meskenê înan ê, tim pê xoverdayîşî xo resnenê çimeyê cuye. Gerîlayê Kurdîstanî nika zî berzîyanê koyan de topanê adirî pêşwazî kenê.

Şewa 23ê nîsane bîye. Bombayan erd û hasmên lerznayêne. Qereqolê sînorî ra bêmabên Zendûra dîyayêne bombayan ver. Koy, kerra, xoza û pêro gandaran gerîlayî girewtî verarê xo. Xoverdayîşê neweyî yê gerîlayan dest pêkerdêne. Nê xoverdayîşî ser o destanî do bêrê nuştene, lûrikî do bêrê vatene.

23ê nîsane artêşa tirke waştêne sey celadî debikewa koyanê Kurdîstanî. Înan Metîna bêmabên dayêne bombayan ver. Artêşa tewr pîle ya NATOyî pê hêrişanê vera Zap, Metîna û Avaşînî peynîya xo ardêne. Artêşa tirke pê leşkeranê xo yê kîrakerdeyan xo rê vatêne 'artêşa tewr pîle ya NATOyî.' Dewleta tirke vera îradeyê gerîlayan şer da destpêkerdene û koyê Metîna, Zendûra, Girê Koordîne, Derarê dayî bombayan ver. Wexto ke înan xîret kerd leşkeranê xo bîyarê war Hêzanê PAwitişê Hewayî yê Şehîde Delale da înan ro û çalakîyan dest pêkerd.

Hemleya Cengê Xabûrî yew bi yew dayêne hedefan ro. Gerîlayan pê îdîaya 'Tîya Kurdîstan o, gureyê îşxalkeran tîya de çin o' xo ver dayêne. Zap, Metîna û Avaşînî bîyî yew û nêverda artêşa îşxalkere nefes bigêra. Yewîya ruh û bedenanê gerîlayan û qerardarîya gerîlayan no yo. Gerîlayî coka tim mîyanê Cengêkê Bêpeynî de yê. Nika zî Cengê Xabûrî bîyo tersê îşxalkeranê tirkan.

Serê sibayî wexto ke dişmenî Girê Zendûra de ca dayêne xo gerîlayan ê teqîb kerdî û pê çekanê xo vat: Koyanê Kurdîstanî de îşxalkerî nêeşkenê ca bibê. Pêkewtişan bi giranî dewam kerdêne. Nê çalakîyan de 5 leşkerî merdî. Zendûra de îşxalkerî nêeşkayêne nefes bigêrê.

Artêşa tirke ya îşxalkere roja verêne ya operasyonî ra nata çek û gazê kîmyewî şuxilnayî la pê gerîlayan nêeşkaye. Gerîlayî zî hema zî payan ser o yê û her roje tîje selam kenê. Erd û hasmênî verî çêrê winasênî qetî nêdîbî. Na raştîya Kurdîstanî ya, cuya nê çêran bi xo raştîya cû ya. Berzîya Zendûra de helê bêhempayî qewimîyayêne.

Werrekna yew vengê Zendûra estbîyayêne û ey bi xo qala nê rojan bikerdêne. Zendûra nê çêrî pawitêne. Hetêkî ra zî Mamreşo, Werxêle, Aris Faris û Cîloyê Biçûkî ameyêne vîrê Zendûra û sozê serkewtişî gerîlayanê çêran rê reyna dayêne. Eke no eşqê raştikên nîyo çita yo?