Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîye de nê ameyî parekerdene:

Metîna

''8ê êlule de Girê Koordîne de di kepçeyanê ke semedê îşxalî rayîr viraştene hetê hêzanê ma ra ameyî hedefgirewtene. Çalakîya serkewtîya ke di hetan ra ameye kerdene de tewr tay îşxlakerêk ame cezakerdene, kepçeyêk ame îmhakerdene û kepçeyêk zî ame derbkerdene.

Zap

8ê êlule de ma dabi zanayene ke îşxalkeranê ke waşt Ciloya Biçûke ra ver bi Girê Şehîd Sefqanî şirê verî pê  taktîkê sabotajî dima ra pê çekanê giranan ameyî pirodayene. Netîceya nê çalakîyan de 2 îşxalkerî ameyî cezakerdene û îşxalkerî eynî roje mecbur mendî ke peyser agêrê.

Avaşîn

8ê êlule saetanê şanî ra heta 9ê êlule artêşa tirke ya îşxalkere Warê Xoverdayîşî yê Werxelê 18 rey pê madeyanê teqnayîşî û gazanê kîmyewîyan bombarduman kerdî û dima ra waşt bikewê nê warî la Xoverdayoxanê Werxelê destûrê înan nêda. Mabênê îşxalkeran û xoverdayoxan de pêkewtişê giranî qewimîyayî. Hêzanê ma pê xoverdayîşê tarîxî nêverda îşxalkerî aver şirê. Xoverdayîşê qehremananê ma yê Werxelê qerardar dewam keno. Waranê Xoverdayîşî ser o gêrayîşê drone û teyarayanê şerî dewam keno.

Bombarduman

8ê êlule de warê Dergelê yê herêma Metîna pê teyarayanê şerî ame bombardumankerdene. Waranê Mervanos, Tabûrê Ereban, Girê Spî, Gîrê Sor û Girê Silêmanî yê Avaşînî de zî têgêrayîşê helîkopteran qewimîya. Reyna Dewa Xîzawa ya warê Kêre yê herêma Heftanînî pê obus û havanan ameye bombardumankerdene.''