Merkezê Îrtîbatî û Çapemenîye yê HPGyî yê derheqê  çalakîyanê gerîlayan û hêrişê artêşa tirke de eşkerayîye daye û nê pare kerdî:

''Dewleta tirke ya îşxalkere ya ke  rixmê şuxulnayîşê heme îmkananê teknîkîyan, nêeşkena vera xoverdayîşê gerîlayan aver şiro eşkera sûcê şerî kena û pê gazanê  jehrinan û kîmyewîyan hêriş kena.

Avaşîn

16ê tebaxe de artêşa tirke ya îşxalkere Warê Xoverdayîşî yê Girê Sorî de gazê kîmyewîyî şuxulnayî. Netîceyê hêrişî de di hemrayê ma şehîd bîyî. Nasnameyê hemrayan ma do peyra bêrê eşkerakerdene.

7 û 8ê êlule de artêşa tirke ya îşxalkere Warê Xoverdayîşî yê Werxelê 11 rey pê madeyanê teqnayîşî û gazanê kîmyewîyan bombarduman kerdî û dima ra waşt bikewê nê warî la Xoverdayoxanê Werxelê destûrê înan nêda.  Mabênê îşxalkeran û xoverdayoxan de pêkewtişê giranî qewimîyayî. Rixmo ke îşxalkerî pê medotanê bêhleqan hêriş kenê û heme îmkananê xo şuxulnenê hêzanê ma bi rûhê mîlîtanîya Apoyîye û fedakarîye şer kerd û îşxalkerî peyser qeldayî. Waranê Xoverdayîşî ser o gêrayîşê drone û teyarayanê şerî dewam keno.

Heftanîn

6ê êlule de Girê Dûpişka yê warê Pribila de îşxalkerî di hetan ra pê çekenê giranan ameyî hedefgirewtene. Çalakîye de di mewzîyî biîsabet ameyî pirodayene. Îşxalkeran merdeyê xo şewe pê helîkopteran kiriştî.

Zap

8ê êlule de îşxalkeranê ke waşt warê Ciloya Biçûke ra ver bi Girê Şehîd Sefganî şirê hetê hêzanê ma ra di rey bi taktîkê sabotajî ameyî pirodayene. Badê çalakîye îşxalkerê ke erazî ra vila bîyî pê çekanê giranan ameyî pirodayene. Netîceya nê çalakîyan zelal nêbîye. Eke zanayîş bikewo destê ma do pare bikerê.

Bombarduman

7ê êlule de xeta Qaşûra ya Metîna de têgêrayîşê helîkopteran qewimîya û dormeyê dewanê Kêste, Hirorê, Seraru, Deşîşê, Derarê û Êdinê yê Kanî Masî yê Amedîye û  Kela Qûmriyê, warê Koordîne pê helîkopteranê hêrişî ameyî bombardumankerdene. Reyna dormeyê dewa Xizawa ya warê Kêre yê Heftanînî zî pê obus û hewanan ame bombardumankerdene. Eynî roje warê Mervanos, Tabûrê Eraban, Girê Sipî,  Girsê Sor û Girê Silêmanî yê Avaşînî de têgêrayîşê helîkoperan qewimîya û Warê Xoverdayîşî yê Werxelê pê helîkopteranê hêrişî ame bombardumankerdene. Warê Geliyê Sûredê yê Qendîlî zî pê teyarayanê şerî ame bombardumankerdene.''