Merkezê Îrtîbatî û Çapemenîye yê HPGyî (HPG-BÎM) pare kerd ke dewleta tirke warê Werxelê yê Avaşînî 18 reyî pê gazanê jerînan û teqaberan da bombayan ver û îşxalkerê ke waştêne aver şorê ameyî açarnayene.
Merkezê Îrtîbatî û Çapemenîye yê HPGyî (HPG-BÎM) derheqê xoverdayîşê gerîlayan de agahîyê neweyî dayî. Eşkerayîye wina ya:
''Warê Xoverdayîşê Werxelê yê herêma Avaşînî de;
5ê êlule û 6ê êlule de artêşa tirke ya îşxalkere Warê Xoverdayîşê Werxelê 18 reyî pê gazanê jerînan û teqaberan da bombayan ver. Îşxalkerê ke waştêne bombardumanî ra dima ver bi Warê Xoverdayîşê Werxelê şorê netîceya mudaxeleyê hêzanê ma de neçare mendî ke xo apey biancê.
Artêşa tirke ya îşxalkere ewro serê sibayî ra nata bombardumanê pê gazanê jehrînan dewam kena. Warê Xoverdayîşê Werxelê ser o têgêrayîşê teyarayanê keşfî û droneyan dewam keno.
6ê êlule de dormeyê dewanê Banîkê û Minînê yê Heftanînî, dormeyê dewanê Dêşîşê û Sararû yê Kanî Masî yê Amedîyê, warê Koordîne û Kela Qumrîye û Gelîya Basya dîyayî bombayan ver.
6ê êlule de xeta Qaşûra ya Metîna û waranê Merwanos, Tabûra Ereban, Girê Sipî, Girê Sorî û Girê Silêmanî ser o helîkopterî gêrayî.''
