Merkezê Îrtîbatî û Çapemenîye yê HPGyî qewimîyayîşê peyênî yê Avaşîn, Zap, Garê û Metîna pare kerdî.

Eşkerayîye wina ya:

"Avaşîn

Warê Xoverdayîşê Werxelê yê Avaşînî de;

4ê êlule de û 5ê êlule de artêşa tirke ya îşxalkere Warê Xoverdayîşê Werxelê 17 reyî pê gazanê jehrînan û teqaberan da bombayan ver. Bombardumananê giranan ra dima îşxalkeranê ke waştêne aver şorê netîceya mudaxeleyê gerîlayan de xo apey ant. Warê Xoverdayîşê Werxelê de têgêrayîşê drone û keşfî bi hawayêkê giranî dewam keno.

Garê

4ê êlule de warê Kafya û dewa Gûze yê Garê dîyayî bombayan ver. Heman roje waranê Merwanos, Tabûra Ereba, Girê Spî, Gîrê Sor û Girê Silêmanî de têgêrayîşê helîkopteran qewimîya.

Zap

4ê êlule de warê Çemço û dewa Rênçbiraxayî hetê qereqolanê sînoran ra pê obusan dîyayî bombayan ver.

Metîna

4ê êlule de kendalê Girê Zendûra û dormeyê dewa Hirorî ya Kanî Masî hetê qereqolanê sînoran ra pê hawan û obusan dîyayî bombayan ver.

5ê êlule de warê Koyê Reşî yê Zapî pê teyarayanê şerî dîya bombayan ver.''