Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî de nê ameyî vatene:

''3ê êlule de warê Werxelê yê Avaşînî de gerîlayanê ma yê YJA Starî di hetan ra da dişmenî ro. Çalakîya koordînekerdî ya ke hetê xoverdayoxanê Werxelê ra ameye kerdene de, îşxlakerî mesafeyo nêzdî ra ameyî pirodayene de. Netcîya çalakîye de 5 îşxalkerî ameyî kiştene û 2 mewzîyî ameyî îmhakerdene.

Eynî roje Warê Xoverdayîşî yê Werxelê 14 rey pê madeyanê teqnayîşî, gazanê kîmyewîyan û çekanê giranan ameyî bombardumankerdene. Artêşa tirke ya îşxalkere ya ke çalakîyanê Xoverdayoxanê Werxelê ra derbeyê pîlî werdî û nêeşkena aver şiro, sûcê şerî kena, gazanê axuyînan şuxulnena. Rixmê heme hêrişan xoverdayîşê hêzanê ma dewam keno. Serê waranê xoverdayîşî de gêrayîşê teyarayanê keşîfî û dronan dewam keno.

2ê êlule de waranê Mervanos,Tabûrê Ereban, Girê Sipî, Girê Sorî û Girê Silêmanî yê Avaşînî de têgêrayîşê helîkopteran qewimîya. 3ê êlul de dormeyê dewa Rêdînê ya Garê û warê Girê Çarçelî yê herêma Metîna pê teyaranê şerî ame bombardumankerdene. Badê hêrşişî şewato ke vejîya dewam keno.''