Merkezê Îrtîbatî û Çapemenîye yê HPGyî nasnameyê 6 şehîdanê Zendûra eşkera kerdî. Eşkerayîye wina ya:

''Gerîlayê Azadîye yê Kurdîstanî vera hêrişanê îşxalî yê serê Herêmanê Pawitişî yê Medya xoverdayîşêkê bêhempayî kenê. warê Zendûra yê Metîna zî bi cayêkê xoverdayîşê pîlî yê gerîlayan û cayo ke dişmeno îşxalkere tede derbanê giranan weno.

Hêzê dewleta tirke ya îşxalkere semedo ke xoverdayîşê Zendûra bişiknê destê înan ra çita ameyo  kerd la netîce nêgirewte.Dewleta tirke ya îşxalkere xîret kerd ke pê PDKyî armancê xo bîyara ca û waşt ke pey ra bida gerîlayan ro. Heyf ke PDK zî goreyê nê armancê dewleta îşxalkere têgêra û 5ê hezîrane de boxazê mabênê giranê Çarçel û Colemêrgî rê xeylêk hêzê xo, çekê giranî û wesayîtê zirxinî erşaawitî. Fermandarîya ma ya Sahaya Xabûrî ya Metîna heman roje bi eşkerayîyêke pare kerd ke no kerdiş têna paştî dano Tirkîya, cayê manewra yê gerîlayan teng keno û xoverdayîşê gerîlayan qels keno. La PDKyî bi israrî nê kerdişê xo rê dewam kerd û dewam keno.

Fermandarîya Sahaya Xabûrî ya Metîna vera na rewşe newe ra ca û taktîkê hêzanê Metîna ser o vinderte û bire daye ke hêzanê xo Zendûra ra epy bianca. Prosesê nê xoapeyantişî de 10, 11 û 12ê hezîrane de pêkewtişê giranî qewimîyayî. Nê prosesî de pêkewtişan de fermandaranê Hemleya Cengê Xabûrî ra Rêber Zana, fermandarê Xoverdayîşê Zendûra Hêjar Can û embazê ma Têkoşer, Bahoz, Botan û Numan şehîd bîyî. Xêrê ked, xîret û fedayîtîya nê embazanê ma ra çêrê bînî yê Xoverdayîşê Zendûra eşkayî xo biresnê embazan.

Nasnameyê embazanê ma yê şehîdan wina yê:

Nameyê Qodî: Rêber Zana Name û Peyname: Îlhan Tokdemîr Cayê Bîyayîşî: Sêrt Maye-Pî: Şukrîye-Mehmet Can Tarîx û Cayê Şehadetî: 11ê Hezîrana 2011î /Metîna

Nameyê Qodî: Hêjar Can Name û Peyname: Azad Ferhat Coşkûn Cayê Bîyayîşî: Riha Maye-Pî: Leyla-Mehmet Alî Tarîx û Cayê Şehadetî: 11ê Hezîrana 2011î /Metîna

Nameyê Qodî: Têkoşer Farqîn Name û Peyname: Ferhat Sansarkan Cayê Bîyayîşî: Adana Maye-Pî: Sevda-Mehmetcan Tarîx û Cayê Şehadetî: 11ê Hezîrana 2011î /Metîna

Nameyê Qodî: Bahoz Botan Name û Peyname: Mustafa Sîbîlîk Cayê Bîyayîşî: Sêrt Maye-Pî: Fehîme-Mecît Tarîx û Cayê Şehadetî: 11ê Hezîrana 2011î /Metîna

Nameyê Qodî: Botan Kobanê Name û Peyname: Mecîd Hebîb Faris Cayê Bîyayîşî: Reqa Maye-Pî: Wehda-Hebîb Tarîx û Cayê Şehadetî: 11ê Hezîrana 2011î /Metîna

Nameyê Qodî: Nûman Demhat Name û Peyname: Kokel Gîçer Cayê Bîyayîşî: Şirnex Maye-Pî: Taîbe-Hayrettîn Tarîx û Cayê Şehadetî: 11ê Hezîrana 2011î /Metîna

Embaz Rêber Sêrt de dadîya xo ra bîyo û 1999 de tewrê gerîlayan bi. Emba Rêberî 7 serran Qendîl, Kelareş û Xinêre de mend û dima Dibistana Mazlûm doganî de perwerde dî derbazê Behdînanî bi. Dima ke ey Metîna, Garê û Heftanîn de têkoşîn kerd Akademîya Mahsum Korkmazî de perwerde dî û 2010 de sey fermandar derbazê eyaletê Mêrdînî bi. Embaz Rêber Mêrdînî ra derbazê Besta ûca ra zî derbazê Cûdîyî bi û derbê giranî dayî dişmenî ro. Embaz Rêberî wezîfeyê perwerdekerdişê embazan zî ard ca û ey xeylêk embazanê ma rê pê kesayetê xo tesîr kerd. Embaz Rêberî dima ke 23ê nîsane de vera Zap, Metîna û Avaşînî hêrişî dest pêkerd cewabê pîlî dayî îşxalkeran ro. Ey Xoverdayîşê Zendûra de ca girewt. O wexto ke prosesê xoapeyantişî de embazî koordîne kerdêne bi çêrî şehîd bi.

Embaz Hêjar Riha de dadîya xo ra bîyo û wexto ke Dêrsim de zanîmgeh de wendêne tewrê gerîlayan bi. Embaz Hêjarî dima ke Vakur de wezîfe kerd ke wextê hêrişanê DAÎŞî de 2014 de Şingal de têkoşîn kerd. Embaz dima ke Şingal azad bi agêra herêma Metîna de perwerde dî. Waştişê ci ser o embaz Hêjar sey fermandarî derbazê warê Zendûra bi.Embaz Hêjarî pê qerardarî, kesayet û bawerîya xo tim şi serê dişmenî, Xoverdayîşê Zendûra de ca girewt, pê hîsê serkewtişî têgêra û embazanê xo rê tesîr kerd. Embaz Hêjar sey fermandarêkê fedayî yê Xoverdayîşê Zendûra tarîx de cayê xo girewt.

Embaz Têkoşero ke aslê xo de Amed ra yo Adana de dadîya xo ra bi û vera asîmîlasyonî tewrê gerîlayan bi.Ey xeylêk cayanê Kurdîstanî de gerîlatîye kerde, xeta Apogîrîye ser o şi. Embaz Têkoşer xeylêk cayan de birîndar bi. O tunelanê şerî yê Zendûra de bi wayîrê kedêka pîle. Bi nê hawayî ey kokê îşxalkeran binî ra lerzna. Embaz Têkoşer pê kesayetê xo bi sembolanê Xoverdayîşê Zendûra ra yew.

Embaz Bahoz Sêrt de dadîya xo ra bîyo û 2015 de tewrê gerîlayan bi. Embaz Bahoz cade cuya gerîlatîye musa, bi wayîrê tecrubayen û nê tecrubeyê xo vurnayî kerdî pratîk. Embaz Bahozî tim kerd ke xeta Apogîrîye ser o xo aver bero. Embaz Bahozî pê xoverdayîşê xo yê Zendûra embazanê xo rê mîrasêko bêhempa verda. Embaz Bahoz bi Egîd, mîyanê bêmergan de cayê xo girewte.

Embaz Botan Reqa de dadîya xo ra bîyo û o sey ciwanêkê erebî azadbîyayîşê Reqa ra dima tewrê gerîlayan bi. Embaz Botan cade kurdkî musa û bi fermandarêko ciwan. Ey roja verêne ya hêrişanê dewleta tirke ra heta peynî bêmabên têkoşîn kerd. Embaz Botan Xoverdayîşê Zendûra de şarê kurdî û şarê erebî kerd yew, bi efsane. Embaz Botanî sey milîtanêkê Rayber Apoyî rîpelê tarîxê xoverdayîşê şaran de ca girewt.

Embaz Numan Cizîre de dadîya xo ra bîyo û o semedê qesasê şehîdan tewrê gerîlayan bi. Embaz Numan dima ke perwerde girewt mîyanê komêka verêne ya Gerîlatîya Modernîteya Demokratîke de ca girewt. Embaz Numan pê kesayet û têkoşînê xo Xoverdayîşê Zendûra de embazanê xo rê bi mîsal. Rixmo ke birîndar bi ey reyna zî vera dişmenî şer kerd û mojna ke îradeyê Apogîran xurt û zixm o.

Milîtan û fermandaranê rayberan ê xoverdayîşê tarîxî Rêber, Hêjar, Têkoşer, Bahoz, Botan û Numan mîyanê çêranê bêmergan de cayê xo girewt. Ma sere de keyeyanê înan ê ercîyayeyan rê, şarê welatperwerî yê Kurdîstanî rê û şarê erebî rê serweşîye wazenê. Ma reyna soz danê ke do hesreta înan Kurdîstanê Azadî û Rojhelatê Mîyanênî yê Demokratîkî awan bikerê.''