Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî wina ya:

Bazîd

''29ê temmuze de artêş tirke qezaya Bazîdî ya Agirî de operasyon da destpêkerdene. Operasyono ke dormeyê dewa Navrê ya warê Tendurekî de ame kerdene yewîyêka dişmenê hetê hêzanê ma ra mesafeyo nêzdî ra ameye pirodayene. Na çalakîye de di çawîşê pîsporî ameyî cezakerdene. Badê çalakîye îşxalkeranê ke waşt pê wesayîtanê zirxinan mudaxaleyê warê çalakîye bikerê wesayîta înan kaşî ra lêr bi û 8 îşxalkerî merdî. Artêşa tirke ya ke oeprasyon de debeyê pîlî werdî 1ê tabexe de peyser ancîyaye.

Avaşîn

1ê êlule de warê Girê Silêmanî yê Avaşînî de îşxlakerî pê çekanê giranan di rey ameyî pirodayene. Wird çalakîyan de zî hedefê ke ameyî bewlîkerdene biîsabet ameyî pirodayene. 

Eynî roje Warê Xoverdayîşî yê Werxelê yê herêma Avîşînî de pê gazanê axuyînan  û 7 rey pê madeyanê axuyînan ame bombardumankerdene. Serê herême de gêrayîşê drona û teyarayanê keşîfî dewam keno.

Zap

1ê êlule de artêşa tirke pê gazanê axuyînan û madeyanê teqayîşî Warê Xoverdayîşî yê Cîloya Biçûke ya herêma Avaşînî bombarduman kerd. Dima ra îxaşkeran waşt ver bi Warê Xoverdayîşî şirê la hetê hêzanê ma ra di hetan ra pê çekanê giranan ameyî pirodayene û mecbur mendê ke agêrê.

Garê

Eynî roje  de dewê Şîyê û Rêdinê yê warê Garê pê teyaranê şerî ameyî bombardumankerdene.

Şirnex

28ê tebaxe de artêşa tirke herêma Besta ya Şirnexî de operasyono hîra da destpêkerdene. Çarçewa operasyonî de warê Mewuşkê, Korta Xanê, Besta Blûzerê, Girê Firinê, Şehîd Armanc, Xirbik û Apê Hisî pê helikopteranê hêrişî ameyî bombardumankerdene. Badê hêrişî warê operasyonî de şewat vejîya. Operasyon hema dewam keno.''