Merkezê Îrtîbatî û Çapemenîye yê HPGyî derheqê hêrişê dewleta tirke yê vera Zaxoyî eşkerayîye daye û nê pare kerdî:

20ê temmuze de warê turîstan ê  herêma Perexî yê qezaya Zaxoyî ya Duhokê Başûrê Kurdîstanî hetê dewleta tirke ra ame bombardumankerdene. Netîceya hêrişê dewleta tirke de 9 sîvîlî ameyî qetilkerdene û 23 kesî birîndar bîyî. Kesanê ke dinyaya xo bedilnaye ma keyeyanê înan rê serweşîye û birîndaran rê şîfa wazenê.

Dewleta tirke cara cayê sîvîlan bombarduman kerd. Wa qet çew serê nê qirkerdişê dewleta tirke menimno. No qikerdişo verên ê dewleta tirke nîyo. Dewleta tirke senî 11ê tebaxa 2020î de bizanayîş di berpirsîyarê leşkerî yê payeberzî yê Iraqî qetil kerdî, no hêriş zî bi eynî waştişî ame kerdene. No qirkerdişêko plankerde yo.

Dewleta tirke serranê peyênan de Bamernê, Kunê Masî, Dola Balînde ya Çemçoyî û xeylêk cayanê bînan de cayê pîknîkî hedef girewtî. No tesaduf nîyo. Cayo ke ewro tede qirkerdiş ame kerdene de hêzê ma tede çîn ê. Nizdîyê na herême de qilê ke dewleta tirke îşxal kerdî est ê.  Hêzê Sînorî yê Iraqî û hêzê herêmî yê Hukmatê Herêmî zî nê warî de est ê. Eleqeya na mesela pê ma çîn a. 

Ganî her kes na raştîye bivîno;  dewleta tirke wazena herême de hukm bikero. Semedê nê sîvîlan qetil kena ke pê tersî şarî tîya ra vejo. Dewleta tirke cayanê ke hukmê ci est o de wazena cuya sîvîlan biqedîno. Wazena şarê herême warî raqilno, bierzo teber.  Herêma Hirorî yê Metîna de zî rixmo ke hêzê ma tîya çîn ê timûtim dormeyê dewe bobmarduman kenê ke dewijê biremê. Êyê ke wayîrê wîjdanî yê û  hurmetê ci raştîye rê est o, ganî qirkerdişanê Tirkîya bivînê û vera ci bivejîyê.''