Merkezê Îrtîbatî û Çapemenîye yê HPGyî bi eşkerayîyêke da zanayene ke gerîlaya YJA-Starî Azêr Erdal şehîd bîya. Eşkerayîye wina ya:

''Embaza ma Azê Erdal warê xoverdayîşê destanwarîyî yê vera îşxalê tirkan de Warê Xoverdayîşî yê Girê Hekarî de heta nefesê xo yê peyênî şer kerd, felsefeya cuye ra tawîz nêda û bi xoverdayîşî tebaxa 2022yî şehîd bîye.

Artêşa tirke ya îşxalkere seba ke Zap de teng bîya dest pê hêrişê cayanê neweyan kerd. Na çarçewe de artêşa îşxalkere 25ê gulana 2022yî de hêrişê Warê Xoverdayîşî yê Girê Hekarî kerd. Nê hêrişan de embazanê ma bi destanwarî xo ver da û derbê giranî dayî dişmenî ro. Embaza ma Azê Erdal zî nê hêrişan de mîrasê xoverdayîşî heta peynî temsîl kerd. 

Ma sere de keyeyê aye yê ercîyayeyî rê pêro şarê Kurdîstanî yê welatperwerî û şarê ma yê Kampa Mexmûrî rê serweşîye wazenê. Ma do seba ke bibê layîqê şehîdanê ma têkoşîn bikerê.

Nasnameyê embaza ma Azê wina yo:

Embaza ma Azê mîyanê keyeyêkê botanijî de Gelîya Qiyametî ya Etrûşî de dadîya xo ra bena. Seba ke keyeyê ci tedayanê dewleta tirke ra koçê Mexmûrî kerd, a uca de bena pîl û bi kulturê welatperwerîye resena ciwanîye. A hêverî Kampa Multecîyan a Şehîd Rûstem Cûdîyî ya Mexmûrî de tewra xebatan bena. Embaza ma Azê 2012 de verê xo dana koyan û bena gerîla. 

Embaze Azê destpêk de Garê de erk kena. a dima Dibistana Operasyonan a Şehîde Rojîne Gewda de perwerde vînena. A heta 2015î Garê û Zap de pratîk kena. 2015 de Akademîya Hakî Karerî de perwerde vînena û derbazê Heftanînî bena. Embaze Azê 5 serran Heftanîn de têkoşîn kena û xoverdayîşê Heftanînî de bi hawayêkê bêhempayî têkoşîn kena. 2021 de a ancî Dibistana Hakî Karerî de perwerde vînena. 

Dima ke artêşa îşxalkere hêrişê Warê Xoverdayîşî yê Girê Hekarî kena, embaza ma Azê vernîya cepheyê şerî de cagêna. Embaza ma Azê tunelanê şerî de milîtanîya Apogîre bi têgêrayîşanê xo temsî kena. Netîceya hêrişanê namerdan ê dişmenî de embaza ma Azê şehîd bena. Embaza ma Azê bi tewirê azadî, samîmî û duristî do tim mîyanê têkoşînê ma de bêra yadkerdene.''