Merkezê Îrtîbatî û Çapemenîye yê HPGyî (HPG-BÎM) nasnameyê 3 şehîdanê ke menga êlule de bombardumananê artêşa tirke ya îşxalkere de şehîd bîyî eşkera kerdî. Eşkerayîye wina ya:

''20ê êlula 2021î de bombardumananê artêşa tirke ya îşxalkere de embazê ma Rustem Gabar, Azad Gabar û Warger Hêvî şehîd bîyî.

Nasnameyê embazanê ma wina yê:

Nameyê Qodî: Rustem Gabar Name û Peyname: Devran Kaya Cayê Bîyayîşî: Mersîn Maye-Pî: Gulluye – Îbrahîm Tarîx û Cayê Şehadetî: 20ê Êlula 2021î / Herêmê Pawitişî yê Medya

Nameyê Qodî: Azad Gabar Name û Peyname: Abdullah Baran Cayê Bîyayîşî: Kerboran Maye-Pî: Fatma – Mehdî Tarîx û Cayê Şehadetî: 20ê Êlula 2021î / Herêmê Pawitişî yê Medya

Nameyê Qodî: Warger Hêvî Name û Peyname: Emîn Demîr Cayê Bîyayîşî: Mêrdîn Maye-Pî: Şahîye – Nezîr Tarîx û Cayê Şehadetî: 20ê Êlula 2021î / Herêmê Pawitişî yê Medya

Embaz Rustem Gabar Mersîn de dadîya xo ra bîyo û keyeyê ci aslê xo de Şirnexî ra yo. Embaz Rustem qetî kokê xo ra cîya nêbi û ey tim xeyal kerd ke Koyê Gabarî de gerîlatîye bikero. Embaz Rustemî no xeyalê xo ard ca, tewrê gerîlayan bi. O hetê şorişgêrê pîlî Kasim Engînî de mend û tira perwerde girewt. Embaz Rustemî Qendîl, Xakûrkê û Behdînan de têkoşîn kerd û wezîfeyê girîngî ardî ca. Embaz Rustemî tim waşt varar şêro koyanê xo û kokê xo reyde bibo yew. Embaz Rustemî xeylêk wezîfeyanê stratejîkan ê partîya ma de ca girewt û wexto ke serê wezîfeyê xo de bi bombardumanê artêşa tirke ya îşxalkere de şehîd bi.

Embaz Azad Gabar Mêrdîn de dadîya xo ra bîyo. Ey hema domanîya xo de dişmenîya dewlete şinasnaye û pê hêrs û kînî tewrê gerîlayan bi. Ey zerrî ra pê îdeolojîya azadîya cinîyan a ke felsefeya Rayber Apoyî ya bawer kerd û bi nê hawayî kesayetê xo awan kerd. Ey nê esasî ser o cuya xo ya têkoşînî ard ca û xeylêk waranê Kurdîstanî de bi eşq, waştiş û xîretî gerîlatîye kerde, derbê giranî dayî dişmenî ro. Embaz Azado ke çalakîyan de tewr vernî de ca girewtêne wexto ke serê wezîfeyê xo de bi bombardumanê artêşa tirke ya îşxalkere de şehîd bi.

Embaz Wargero ke aslê xo de Kerboranî ra bi Hezex de bîyo pîl. Embaz Wargero ke pê vîrameyîşanê apanê xo yê şehîdan bîyo pîl 2015 de Xoverdayîşê Xoîdarekerdişî yê Hezexî de ca girewt û nê xoverdayîşî rê rayberîye kerde. Embaz Warger dima tewrê gerîlayan bi û derbazê Herêmanê Pawitişî yê Medya bi. Akademîya leşkerîye ra dima ey sey fermandarêkî wezîfeyê neweyî girewtî xo mil. Embaz Wargerî pêro waran de kedêka pîle daye, bi mazharê heskerdişê embazanê xo û pêro xebatanê xo de netîce girewte. Embaz Wargerî xo rê gerîlatîya modernîteya demokratîke kerde esas û kerd ke bibo cewabê wezîfeyanê dewrî. O wexto ke serê wezîfeyê xo de bi bombardumanê artêşa tirke ya îşxalkere de şehîd bi.

Ma sere de keyeyanê ercîyayeyan ê şehîdanê ma rê, şarê Şirnex, Mêrdîn û pêro şarê welatperwerî yê Kurdîstanî rê serweşîye wazenê. Ma soz danê ke do qesasê şehîdanê xo bigêrê û armancanê înan qetî bîyarê ca.''