Merkezê Îrtîbatî û Çapemenîye yê HPGyî bi eşkerayîyêke da pêhesnayene ke fermandar Yahya Duman (Sabrî Bagok) 14ê çeleyê 2020î de şehîd bîyo. Eşkerayîye wina ya:

''Ma milîtanê Rayber Apoyî yê fedayî, şerwanê qehremanî, şorişgêrê pîlî û fermandarê ma yê ercîyayeyî embazê ma Sabrî Bagok serrgêra şehadetê ci de bi rêzdarî yad kenê. Hemrayê ma Sabrîyî 26 serrî xeta Rayberîye de bi serkewtişî têkoşîn kerd. Ey Mêrdînî ra heta Gabarî, Zapî ra heta Qendîl û Xakurkê xeylêk cayanê Kurdîstanî de seba ke erkanê xo bîyaro ca xîret kerd. 

Hemrayê ma Sabrîyo ke girêdayeyê Rayberîye bi, qetî erj û krîteranê partîye ra tawîz nêda, nê bi kesayetê xo pawitî. Ma do kesayetê ci, milîtanîya ci ya Apogîre, fedakarî, embazî û fermandarîya ci tim xo rê nimûne bikerê. Ma do hesreta embaze Sabrîyî Kurdîstanê Azadî bi serkewtişî tacîdar bikerê. Nê esasî ser o ma keyeyê ey ê ercîyayeyî û pêro şarê Mêrdînî û Kurdîstanî yê welatperwerî rê serweşîye wazenê.

Nasnameyê embaz Sabrî Bagokî wina yo:

Nameyê Qodî: Sabrî Bagok Name û Peyname: Yahya Duman Cayê Bîyayîşî: Mêrdîn Maye-Pî: Hanime – Mehmet Tarîx û Cayê Şehadetî: 14ê Çeleyê 2020î / Herêmê Pawitişî yê Medya

 

Embazê ma Sabrî qezaya Nisêbînî ya Mêrdînî de dadîya xo ra beno. Dezayê ey embazê ma Dijwar (Abdurrahman Duman) 1996 de Dêrsim de û Hogir (Feyruşah Duman) 2006 de Garzan de şehîd bîyî. Embazê ma Sabrî ciwanîya xo de şino Ewropa û dima 1993 de agêreno Kurdîstanî û beno gerîla.

Embaz Sabrî 1994 de Warê Rayberîye de Rayber Apoyî ra perwerde gêno û heman serre derbazê Mêrdînî beno. O heta serra 2000î Mêrdîn de bêmabên gerîlatîye keno. Nê serran de embaz Sabrî derbanê giranan dano dişmenî ro.

Embaz sabrî 2000 ra heta 2003yî Qendîl û Xinerê de têkoşîn keno, 2004 de derbazê Zapî beno. Tîya de o mîyanê Hêzanê Taybetan de cagêno. Embaz Sabrî Akademîya Mahsum Korkmazî de perwerde gêno û sey fermandarêkî 2011 de agêreno Vakurê Kurdîstanî. Embaz Sabrî Vakur de Eyaletê Botanî de erk keno.

2017 de ancî o derbazê Herêmanê Pawitişî yê Medya beno û rixmê nêweşîyanê xo zî ancî cepheyê tewr vernî de şer keno. 2018 de Ocaxê PKKyî yê Sakîne Cansiz de tewrê perwerdeyî beno. Embazê ma Sabrî her war de erk û mesuldarîyanê xo bêkêmasî ano ca û beno fermandarêko nimûne. Embazê ma Sabrî 14ê çeleyê 2020î de hêrişê dişmenî yê vera Herêmanê Pawitişî yê Medya de şehîd beno.''