Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîye daye.

Eşkerayîya HPGyî wina ya:

''Çarçewa Hemleya Şorişgêre ya Bazanê Zagrosî de 27ê temmuze de warê Girê Şehîd Derwêşî û Gundê Xelîfanî yê herêma Xakurkê de îşxalkerî hetê hêzanê ma ra bi taktîkê sabotajî ameyî pirodayene. Çalakîye de îşxalkerêk ame cezakerdene.

Enî roje hêzanê ma yê YJA Starî qezaya Geverî ya Colemêrgî de da îşxalkeran ro. Konvoyo leşkerî yê dewleta tirke yo ke Geverî ra ver bi Qereqolê Wargenima şiyênî mabênê dewanê Banê û Yekmala Jêrî de bi taktîkê sabotajî ame pirodayene. Na çalakîya serkewtîye de yew wesayîtê leşkerî yo tîpê Kirpî ame îmhakerdene, tewr tay 6 îşxalkerî ameyî cezakerdene û 10 îşxalerî zî birîndar bîyî.

Badê çalakîye artêşa tirke rayîrê mabê Gever, Şemzînan û Yekmala Jêrî girewt û merdeyê xo û enkazê wesayît wedaritî.

27ê temmuze de îşxalkeran pê madeyanê teqayîşî hêrişê tunelanê şerî yê Girê Sorî  û Werxelê kerd. Eynî roje waranê Mervanos, Banista û Tabûra Ereban yê Avaşînî û warê Cîloya Biçûk û Herfa Tyî yê Zapî de de têgêrayîşê helîkopteran qewimîya.

Reyna Xantûrê herêma Heftanînî  û Herfa Tyî yê Zapî bi helîkopteranê hêrişî ame bombardumankerdene. Şewato ke badê hêrişî  Xantûr de vejîya hema dewam keno.

Warê Şekîfî yê herêma Xakurkê zî bi obus û hawanan ê ke qereqolanê sînîro rî ameyî eştene, ame bombardumankerdene. Eynî roje warê Şekîf û Sinînê pê teyrarayanê şerî zî ameyî bombardumankerdene.

Girê Şehîd Serxwebûnî yê Zapî û Girê Koordîne, Girê Azad û Qirrikan Girê Azadî yê herêma Metîna de artêşa tirke hêzê xo bedilnayî.

Nê hêrişan de vînîbîyayeyê ma çîn ê.''