Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de;

27ê tebaxe de saete 10.00 de warê Şehîd Kendalî de vera wesayîtêkê leşkerî yê bi tîpê Reoyî mabênê waranê Berê Dawertîye û Girê Şehîd Rênasî de hêzanê ma çalakîya sabotajî kerde. Çalakîye de tewr tay 3 îşxalkerî ameyî cezakerdene, 4 îşxalkerî birîndar bîyî û wesayîtî reyde cebilxane ame îmhakerdene.

Warê xoverdayîşî yê Werxelê yê herêma Avaşînî de;

28ê tebaxe de warê xoverdayîşî yê Werxelê pê gazanê jehrînan û teqaberan dîya bombayan ver. 29ê tebaxe de artêşa tirke ya îşxalkere pê gazanê jehrînan û teyarayanê şerî Werxelê da bombayan ver. La xoverdayîşî ra dima îşxalkeran xo apey ant. Herême ser o têgêrayîşê droneyan û teyarayanê keşfî dewam keno.

28ê etbaxe de herêma Avaşînî de helîkopterî waranê Girê Sor, Girê Sipî, Girê Silêmanî, Merwanos, Tabûrê Ereban ser o gêrayî. Girê Şehîd Rizgarî, Girê Şehîd Elîyî yê Werxelê dîyayî bombayan ver. Heman roje xegta Qaşûra ya Metîna ser o helîkopterî gêrayî, qezaya Kanî Masî ya Amedîyê de dormeyê dewanê Hirorê, Dêşîşê, Derarê, Kêste û Seraru, warê Girê Koordîne, Girê Zendûra, Girê Şehîd Çiyayî dîyayî bombayan ver. Dewa Kêlê ya warê Sîda ya Zapî zî pê obusanê qereqolanê sînorî dîyaye bombayan ver.''