Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

18ê êlule de hêzanê ma YJA-Starî Girê Qesrokê yê Partîzanî de vera îşxalkeran pê çekanê giranan çalakîyêke kerde. Netîceya na çalakîye de hedefî bi hawayêkê serkewteyî ameyî pirodayene.

Çarçewa Hemleya Şorişgêre ya Bazanê Zagrosî de herêma Avaşînî de;

18ê êlule de îşxalkerê ke waştêne ver bi Warê Xoverdayîşê Werxelê şorê hetê hêzanê ma ra pê taktîkê sabotajî ameyî pirodayene. Îşxalkerê ke çalakîye ra dima qedemeyêk xo apey ant 3 reyî pê teqaberan hêrişê Warê Xoverdayîşê Werxelê kerd. Çalakîyan ra dima îşxalkerê ke waştêne dormeyê Warê Xoverdayîşê Werxelê pê teqaberan û kamerayanê mobese bigêrê pê taktîkê sabotajî mesafeyêka nêzdî ra ameyî pirodayene, teqaber û moebeseyê îşxalkeran ameyî îmhakerdene. Netîceya çalakîyanê bitesîran ê Xoverdayoxanê Werxelê de averşîyayîşê îşxalkeran vindert.

Warê Xoverdayîşê Werxelê 19ê êlule de hetê artêşa tirke ya îşxalkere ra dîya bombayan ver.

Artêşa tirke ya îşxalkere 12ê êlule de warê Pîrbîla û dormeyê dewa Banikê pê onus û hawanan bi giranî dayî bombayan ver û 13ê êlule de zî tede operasyonêkê îşxalî da destpêkerdene. Operasyonê îşxalî şan bênetîce qedîya. Nê bombardumanî de zeraro madî resa bax û baxçeyanê şarê Başûrî.

18ê êlule dewa Şîyê ya Dinartê dîyaye bombayan ver, waranê Merwanos, Tabûra Ereban, Girê Sipî û Girê Silêmanî de têgêrayîşê helîkopteran qewimîya. Heman saetan de Girê Qertal, Stûnê û Gelîya Basya zî dîyayî bobayan ver. Reyna 18ê êlule ra heta serê sibayî yê 19ê êlule warê Qela Qumrîye û dormeyê dewa Hirorê pê obus û hawanan dîyayî bombayan ver.''