Merkezê Îrtîbatî û Çapemenîye yê HPGyî nasnameyê 3 gerîlayanê ke 2017î de şehîd bîyî eşkera kerdî.

Eşkerayîye wina ya:

''6ê temmûza 2017î de bombardumanê vera warê Bektorya ya herêma Heftanînî de  hemrayê ma Denîze, Argêş û Amed şehîd bîyî. Hemrayê ma yê ke semedê azadîya şarê xo bi hewayêkê qehremankî şer kerd û tewrê kerwanê şehîdan bîyî serrgêra şehadetê înan de ma bi hurmet û minetî înan yad kenê.

Nasnameyê embazanê ma yê şehîdan wina yê:

Nameyê Qodî: Denîze  Pîran Name û Peyname: Garîbe Çetîn Cayê Bîyayîşî: Colemêrg Maye-Pî: Azîze-Mecît Tarîx û Cayê Şehadetî: 6ê Temmuza  2017î / Heftanîn

Nameyê Qodî: Argêş Gever Name û Peyname: Mûhammed Çakan Cayê Bîyayîşî: Colemêrg Maye-Pî: Nadîre-Recep Tarîx û Cayê Şehadetî: 6ê Temmuza  2017î / Heftanîn

Nameyê Qodî: Amed Amed Name û Peyname: Ozkan Aydin Cayê Bîyayîşî: Amed Maye-Pî: Sûltane-Suleyman Tarîx û Cayê Şehadetî: 6ê Temmuza  2017î / Heftanîn

Hemraya ma Denîze keyeyêko welatperwer ê Colemêrgî de ameya dinya û hema domanîya xo ra Têgêrayîşê Azadîye yê Kurdîstanî nas kerdo. Hema domanîya xo ra xeyalê gerîlatîye kerdî û soz dayo xo ke do rojêke bibo gerîla. Neheqîya ke komel de cinîyan rê bena nêzdî ra dîya û qerar girewto ke a do çirey cuya winayêne qebul nêkero. Semedê nayî qerarê tewrbîyayîşê têgêrayîşê azadîye yê cinîyan û şarê ma PKKyî girewto û tewrê sefanê gerîlayan ke tim xeyalê ci kerdêne bîya. Demo kilm peyê xeyalê xo de şîya û bîya gerîlayêka serkewtîye ya YJA Starî. 

Hemrayê ma Argêş keyeyêko welatperwer ê Gewerî de ameyo dinya û seba ke dormeyo welatperwer de bîyo pîl rewî ra partîya ma PKK nas kerda. Gama ke dewleta tirke hêrişê xo yê vera şarê ma zêdînayî tewrê sefanê gerîlayan bîyo û dewro kilm de xo resnayo û waranê Qendîl û Zagrosî de gerîlatîye kerda. 2015 de gerîlayê ke vera hêrişê DAÎŞî  şîyî Şingal û wayîrê şarê ma yê êzidîyî vejîyayî mîyanê înan de ca girewt û rolê xo yo tarîxî ard ca. Hemrayê ma Argêşî dima ra verê xo dayo Heftanînî û tîya xeylêk çalakîyan rê serkêşîye kerda.

Hemrayê ma Amed keyeyêko welatperwer ê Amedî ameyo dinya  û bi rûhê serhildanî yê vera dişmenî bîyo pîl. Hema serranê xo yê wirdîyan de tewrê xebatanê ciwanîye bîyo xeylêk çalakîyanê xurtan  ê Amedî rê serkêşîye kerda. Dima ra verê xo dayo koyanê azadan ê Kurdîstanî û bîyo gerîlayê azadîye yê şarê ma. Hemrayê ma Amedî ke xo her hetî ra aver berdo bîyo gerîlayêko profesyonel.

Ma sere de keyeyanê ercîyayeyan  ê hemrayanê xo Denîze, Argêş û Amedî rê pêro şarê welatperwerî yê Kurdîstanî rê serweşîye wazenê. Ma reyna soz danê ke ma do têkoşînê embazanê ma yê şehîdan pê serkewtişî tacîdar bikerê.''