HPG: Ma şehîdanê Garzanî bihurmet yad kenê

HPGyî ke nasnameyê şehîdanê Garzanî eşkera kerdî û vat: ''Hemrayê ma Şoreş, Ronahî, Mahîr, Zerdeşt, Besê û Têkoşer bi xoverdayîşê destankî reyna ruhê fedaîyî yê gerîlayan ramojna.''

Merkezê Îrtîbatî û Çapemenîye yê HPGyî zanayîşê nasnameyanê gerîlayanê ke Garzan de şehîd bîyî eşkera kerdî.

HPGyî eşekrayîya xo de nê zanayîşî dayî:

''Ma eşkerayîya xo ya 5ê êlula 2020î de dabi zanayene ke warê Şêx Cûmayî yê Bedlîsî de artêşa tirke operasyonêk da despêkerdene û mabênê hêzanê ma û îşxalkerdan de pêkewtişê giranî qewimîyayî. Hemrayê Şoreş, Mahîr, Zerdeşt, Besê û Têkoşer yê ke pêkewtişanê giranan ê di rojan de  derbê giranî dayî dişmenî ro tewrê kerwanê şehîdan bîyî. Embaza ma Ronahî zî bado ke birîndar bîye heta guleyê xo yê peyênî xover da û dima ra seba ke esîr destê dişmenê mekewo bombaya xo serê xo de teqna û tewrê kerwanê şehîdan bîye.

Embazê ma yê ke şehîd bîyî nasnameyê înan wina yê:

 

Nameyê Qodî: Şoreş Nemrût

Name û Peyname: Devrîm Erdemîr

Cayê Bîyayîşî: Îstanbul

Maye-Pî: Radîfe-Cevdet

Tarîx û Cayê Şehadetî: 6ê  Êlula 2020î / Bedlîs

Nameyê Qodî: Ronahî Dersim

Name û Peyname: Ozleme Atsak

Cayê Bîyayîşî: Wan

Maye-Pî: Zeytûne-Kerem

Tarîx û Cayê Şehadetî: 6ê  Êlula 2020î / Bedlîs

 Nameyê Qodî: Mahîr Garzan

Name û Peyname: Îbrahîm Yilmaz

Cayê Bîyayîşî: Îstanbul

Maye-Pî: Besra-Bozdîn

Tarîx û Cayê Şehadetî: 6ê  Êlula 2020î / Bedlîs

Nameyê Qodî: Zerdeşt Garzan

Name û Peyname: Umran Aslan

Cayê Bîyayîşî: Bedlîs

Maye-Pî: Şefîka-Kadrî

Tarîx û Cayê Şehadetî: 6ê  Êlula 2020î / Bedlîs

Nameyê Qodî: Besê Havîn

Name û Peyname: Dîlane Arslan

Cayê Bîyayîşî: Mûş

Maye-Pî: Hayate-Fesîh

Tarîx û Cayê Şehadetî: 6ê  Êlula 2020î / Bedlîs

Nameyê Qodî: Têkoşer Kurdistan

Name û Peyname: Mûhammed Şerîfî

Cayê Bîyayîşî: Taliş

Maye-Pî: Taliş

Tarîx û Cayê Şehadetî: 6ê  Êlula 2020î / Bedlîs

Şoreş

Hemrayê ma Şoreş Bedlîs de ameyo dinya û keyeyo ke bi welatperwarîya xo herêma Garzanî de yeno naskerdene de bi pîl û her tim erjanê xo rê giradeye mend. Hemrayê ma Şoreşo ke waşt têkoşînê  pîlêr bikero, 2013 de verê xo da sefanê gerîlayan. Maya hemrayê ma Şoreşî welatperwera delale Radîfe Erdemîr 2016 de hêrişê hewayî yê dewleta tirke de Garzan de şehîde bîye. Mîlîtano sadiq ê Rayber Apoyî, hemrayê hemrayanê xo, heskerdoxê Kurdîstanî û ewladê şehîde hemrayê ma Şoreş rixmê heme israranê partîya ma her tim sefanê vernî yê têkoşînî de cayê xo girewt.

Ronahî

Hemraya ma Ronahî  Wan de keyeyêko welatperwer û Kurdîstan û erjanê xo rê giradeyê, têkoşer de ameya dinya. Vera polîtîkaya îmhakerdişî bi tewrbîyayîşê gerîlayan cewab da. Rayraşîyayîşê azadîye yê cinîyan yê koyanê Kurdîstanî de her tim waranê çetinan de têkoşînkerdiş xo rê esas girewt.  Hemraya Ronahî ya ke xeta Berîtane, Zîlane û Delalan de bi keda pîle têkoşîn kerd, do semedê cinîyan ê kurdan tim çimeyê îlhamî bo û rayîrê ma yê ver bi serkewtişî roşn bikero.

Mahîr

Hemrayê ma Mahîr keyeyêko welatpero ke rîyê hêrişê dewlete ra bar kerd  şi Îstanbulî de ame dinya û vera polîtîkaya qirkerdişî yê vera kurdan berê da koyanê Kurdîstanî. Hemrayê ma Mahîro ke xeylêk waran de karê serkewteyî kerdî sey fermandarêk şi Garzan ke hesretê ci antene û tîya derbeyê dayî dişmenî ro.

Zerdeşt

Hemrayê ma Zerdeşt keyeyêko welatperwer û kedkar ê Bedlîsî de ameyo  dinya. Dima ra zetxê dewlete ver keyeyê ci bar kerd şi Adana. Hemrayê ma Zerdeştî domanîya xo ra têkoşînî azadîye rê eleqedar bi û bado ke Rayber Apo û partîya ma PKK hol  nas kerdî tewrê sefanê gerîlayan bi. Hemrayê ma Zerdeştî gerîlatîya xo ya verêne Botan de kerde û bi fermandarbîyayîşî rolo muhîm kay kerd, Garzan de herra ke tede bi de bi bêmerg.

Besê

Hemraya ma Besê ke Mûş de keyeyêko welatperwer de bîye pîl serranê xo yê ciwanîye de tewrê sefanê gerîlayan bîye. Hemraya ma Besê ke bi kulturê partîye û xeta cinîya zade de xo aver berd, bi pabestîya hemrayanê xo û kesayetîya xo ya kedkare her tim vejîyaye vernî. Hemraya Besê ke têkoşêrîya herra xo çirey xo vîrî nêkerd vera îşxalî bîye temsîlkara bihyebete ya tewirê cinîya kurd a şorişgêre.

Têkoşer

Hemrayê ma Têkoşer bajarê Talişî yê Rojhelatî de ameyo dinya û vera sîstemî milê xo çewt nêkerd û bi kulturê zengînî yê şarê ma yê hewraman bi pîl. Bado ke Rayber Apo û felsefeyê PKKyî nas kerd tewrê sefanê gerîlyan bi her waro ke tede mend de bi wayîrê pratîkê bihêzî.

Sere de keyeyanê ercîyayeyan ê embazanê ma rê ma pêro şarê Kurdîstanî yê welatperwerî rê serweşîye wazenê û ma sozê xo dibare kenê ke do b ruhê qesasî wayîrê vîrameyîşanê şehîdan vejîyê û îdealanê înan ê azadîye bîyarê ca.''