Gerîlayanê Azadîye yê Kurdîstanî semedê qesasê Qirkerdişê Zaxoyî çalakîyî kerdî. Çalakîyan de 4 îşxalkerî ameyî cezakerdene, îşxalkerêk birîndar bi, di mewzî, dronêk û kamerayêka mobese ameyî îmhakerdene û wesayîtêko zirxin ame derbkerdene.
Merkezê Îrtîbatî û Çapemenîye yê HPGyî derheqê çalakyanê gerîlayan û hêrişê artêşa tirke de eşkerayîye daye û nê pare kerdî:
''Gerîlayê Azadîye yê Kurdîstanî têkoşînê xo yê destankî yo ke bîyo hêvîya heme şaranê bindestan bêmabên domnenê. Hêzanê ma semedê qesasê Qirkerdişê Zaxoyî çalakîyî kerdî. Çalakîyan de 4 îşxlakerî ameyî cezakerdene, îşxalkerêk birîndar bi, di mewzî, dronêk û kamerayêka mobese ameyî îmhakerdene û wesayîtêko zirxin ame derbkerdene. Îşxalkerê ke nêeşkenê vera hêzanê ma aver şirê bi desan rey warê xoverdayîşî pê çekenê kîyewîyan, teyaraya, helîkopter, obus û çekanê giranan dayî bombayan ver. Detayê çalakîyan û hêrişan wina yê;
Zap
23ê temmuze de çalakîyanê cîya cîyayan ê Warê Xoverdayîşî yê Şîkefta Birîndara de dronêk hetê hêzanê ma ra dîya wardayene, kamerayêka mobese û mewzîyêke ameyî îmhakerdene û wesayîtêko zirxin ame derbkerdene. 24ê temmuze de Warê Xoverdayîşî yê Çemçoyî de îşxalkerêk ame cezakerdene û îşxlakerêk birîndar bi.
Metîna
22ê temmuze de Warê Xoverdayîşî yê Girê Amedîyê de helîkopterêkê hêrişî hetê hêzanê ma ra ame hedefgirewtene û herême ra kewt dûrî. Roja bîne îşxalkerêke ver bi mewzîyanê şerî şiyênî ê zî ameyî hedefgirewtene. 23ê temmuze de Warê Xoverdayîşî yê Girê FMyî de çalakîya sûîkastî ya YJA Starî de îşxalkerêk ame cezakerdene. Eynî roje tîmanê YJA Starî da qereqolê artêşa tirke yê Kanî Masî ro . Çalakîye de mewzîya ke ameye hedefgirewtene ameye îmhakerdene û di îşxalkerî ameyî cezakerdene.
Bombarduman
Artêşa tirke ya îşxalere 23ê temmuze de Warê Xoverdayîşî yê Girê Amedîyê, Girê Cûdî, Girê FM, Çemço, Karker, Kurojahro, Girê Hakarî, Saca, Şikefta Birîndara û warê Gundê Sêdarê, Gundê Mêranê û Kanîsarkê pê teyara, helîkopter, obus û çekanê giranan dîyayî bombayan ver.''
