Merkezê Îrtîbatî û Çapemenîye yê HPGyî 4 gerîlayê ke 25ê temmuza 2015î de şehîd bîyî yad kerdî. Eşkerayîye wina ya:

''Hêrişanê hîrayan ê dewleta tirke yê vera şarê ma de ewladê çêrî yê şarê ma Mervan, Serhat, Mazlûm û Zerdeşt şehîd bîyî. Ma embazanê xo yê ercîyayeyan serrgêra şehadetê înan de bi minet û rêzdarî yad kenê. Nasnameyê embazanê ma yê şehîdan wina yê:

Nameyê Qodî: Mervan Efrîn Name û Peyname: Abdullah Mustafa Muhammed Cayê Bîyayîşî: Heleb Maye-Pî: Gulê – Şevket Tarîx û Cayê Şehadetî: 25ê Temmuza 2015î / Herêmê Pawitişî yê Medya

Nameyê Qodî: Serhat Ararat Name û Peyname: Aykut Alptekin Cayê Bîyayîşî: Agirî Maye-Pî: Ayşe – Alî Tarîx û Cayê Şehadetî: 25ê Temmuza 2015î / Herêmê Pawitişî yê Medya

Nameyê Qodî: Mazlum Viyan Name û Peyname: Celal Kutluk Cayê Bîyayîşî: Colemêrg Maye-Pî: Maşallahe – Cemal Tarîx û Cayê Şehadetî: 25ê Temmuza 2015î / Herêmê Pawitişî yê Medya

Nameyê Qodî: Zerdeşt Kemal Name û Peyname: Abdullah Mustafa Bozan Cayê Bîyayîşî: Kobane Maye-Pî: Emîne Reş – Mustafa Tarîx û Cayê Şehadetî: 25ê Temmuza 2015î / Herêmê Pawitişî yê Medya

Embazê ma Merwan Heleb de dadîya xo ra bîyo. Embaz Merwanî vera polîtîkaya qirkerdiş û înkarî 2012 de verê xo da koyan. Embaz Merwan cade cuya gerîlatîye musa, pê ruhê fedayî tewrê xebatan bi. Embaz Merwan wextêkê kilmî de bi fermandar û pêro wezîfeyê xo bêkêmasî ardî ca.

Embaz Serhat Agirî de dadîya xo ra bîyo. Embaz Serhat zanîngeh de tewtê xebatanê ciwanan bi û hetê dewleta tirke ya kolonyalîste ra erzîya zîndanan. Embaz Serhatî asta milîtanîye de cewab da hêrişanê gemarinan û ey ciwananê Kurdîstanî rê xeta xoverdayîşî mîras verdaye. Têkoşînê embazanê ma rayraşîyayîşê ma yê şorişî de do dewam bikero.

Embaz Mazlûm Gever de dadîya xo ra bîyo. Embaz Mazlûm 2013 de tewrê gerîlayan bi û xeta xoverdayîşî aver berde. Embaz Mazlûmî tim wend, xo aver berd û bi fermandar. Embaz Mazlûmî pê pratîkê gerîlatîye cewab da hêrişanê îşxalî, hetê şehîdan de cayê xo yê rûmetînî de ca girewt û embazanê xo rê xeta milîtanîye mîras ver daye.

Embaz Zerdeşt Kobanê de dadîya xo ra bîyo. Embaz Zerdeştî vera polîtîkaya qirkerdişî ya şarê ma verê xo da koyanê azadan. Embaz Zerdeştî pê felsefeya Rayberî heta ke şehîd bi têkoşîno bêmabên kerd. Embaz Zerdeşt pê jîhatî û zerrînizmîya xo bi mazharê heskerdişê embazanê xo. Vîrameyîşê ey tim mîyanê têkoşînê ma de bêro pawitene.

Embaz Merwan, Serhat, Mazlûm û Zerdeşt serkewtişê Şorişê Azadîye yê Kurdîstanî de bîye astêke û ma rê bîyî sebebê têkoşînî. Sere de keyeyanê ercîyayeyan ê embaz Merwan, Serhat, Mazlûm û Zerdeştî rê ma pêro şarê welatperwerî yê Kurdîstanî rê serweşîye wazenê.''