Merkezê Îrtîbatî û Çapemenîye yê HPGyî de derheqê çalakîyanê gerîlayan û hêrişê atêşa tirke de eşkerayîye daye.

Eşkerayîya HPGyî de nê ameyî vatene:

Çarçewa Hemleya Şorişgêre ya Bazanê Zagrosî de herêma Avaşînî de;

''11ê êlule de mewzîya ke tede 6 îşxalkerî estbî û bi gazanê kîmyewîyî û madeyanê teqanayîşî Warê Xoverdayîşî yê Werxelê bombarduman kerd, hetê hêzanê ma yê YJA Starî ra ameye pirodayene. Na çalakîye de 4 îşxalkerî ameyî cezakerdene û 2 îşxalkerî zî birîndar bîyî. Mewzîya ke madeyê kîmyewîyî tede bî bi temamî ameye îmhakerdene. Badê na çalakîya ke semedê selamkerdişê Xoverdayoxanê Girê Sorî û Werxelê ameye kerdene artêşa tirke merde û birîndarê xo pê helîkopteran herême ra vetî.

Çarçewa Hemleya Şorişgêre ya Cengê Xabûrî de herêma Metîna de;

12ê êlule de dormeyê Girê Koordîne de îşxalkeranê ke makîneyî karî yê ke bi armancê îşxalî rayîr virazenê pawetene, hetê hêzanê ma ra ameyî domegirewtene û di hetan ra ameyî pirodayene. Çalakîye de tewr tay 5 îşxlakerî ameyî cezakerdene. Badê na çalakîya koordînekerdî artêşa tirke merde û birîndarê xo pê helîkopteran herême ra vetî.

Warê Xoverdayîşî yê Werxelê yê herêma Avaşînî de;

10ê êlule de saetanê şewe de artêşa tirke bado ke Warê Xoverdayîşî yê Werxelê pê çekanê giranan bombarduman kerd waşt aver şiro. Masefeyê nêzdî ra pêkewtişî qewimîyayî, îşxalkerî nêeşkayî aver şirê. 12ê êlule de madayê teqayîşî ke îşxalkeran Warê Xoverdayîşî ca kerdî hetê hêzanê ma ra ameyî bêtesîrkerdene.

Bombarduman

10ê êlule de Qirrika Şehîd Amedî ya Deşta Kafya ya herêma Garê pê teyarayanê şerî ameye bombardumankerdene. 11ê êlule de  warê Stûnê yê herêma Avaşînî pê teyarayanê şerî ame bombardumankerdene. Eynî roje saetanê şewe de warê Mervanos, Tabûrê Ereban, Girê Sipî, Girê Sor, Girê Silêmanî te têgêrayîşê helîkopteran qewimîya, Girê Şehîd Întîkam, Gelîya Basya, Dola Bizina û Girê Qartalî pê helîkopteranê hêrişî ameyî bombardumankerdene. 11ê êlule de dewa Şiyê ya bajarekê Dînartê yê qezaya Akrê  û 12ê êlule de warê Kurojahroyî yê herêma Zapî û warê Werxelê yê herêma Avaşînî pê teyrarayanê şerî ameyî bombardumankerdene.''