HPGyî nasnameyê şehîdêkê Zapî eşkera kerd
HPGyî gerîla Çekjîn Anûş bi rêzdarî yad kerd û vat, ''Ma sey hemrayanê ey do têkoşînê ci biresnê serkewtişî.''
Merkezê Îrtîbatî û Çapemenîye yê HPGyî nasnameyê gerîlayêko şehîd bîyo eşkera kerd û nê pare kerdî:
''Mîlîtananê prosesê têkoşînê tarîxî yê Gerîlayanê Azadîye yê Kurdîstanî ra ewlado qehereman ê şarê ma yê Sehedî Çekjîn Anûş 30ê êlula 2023yî de herêma Şehîd Delîl Zagrosî ya Rojhelatê Zapî de şehîd bi.
Ma keyeyê erjîyayeyî yê hemrayê xo Çekjînî rê û heme şarê welatperwerî yê Bazîd û Kurdîstanî rê serweşîye wazenê.
Nasnameyê hemrayê ma Çekjîn Anûşî wina yo:
|
|
Nameyê Qodî: Çekjîn Anûş Name û Peyname: Adnan Temel Cayê Bîyayîşî: Bazîd Maye-Pî: Fazile – Mustafa Tarîx û Cayê Şehadetî: 30ê Êlula 2023yî /Zap |
Hemrayê ma Çekjîn Bazîdê Agirî de yeno dinya û bajarê serhildanan Bazîd de keyeyêkê weltperwerî de bi kulturê Serhedî beno pîl. Hemrayê ma Çekjîn zilm û zextê dewletê yê vera kurdan nêzdîra vîneno û semedê pawitişê şar û herra xo 2011 de tewrê refanê gerîlayan beno. Perwedeyê xo yê verênî Serhed de geno, hemrayanê xo yê tecrubeyinan ra gerîlatîye museno û demo kilm de beno gerîlayêko serkewte. Bado ke Serhed de nizdê di serran gerîlatîye keno 2013 de grûbê ke agêrenê Herêmanê Pawitişî yê Medya, o zî mîyanê înan de ca geno û Metîna de ca dano xo.
Tîya perwerdeyo akademîk vîneno û dima ra şino Xakurkê. Heta 2018 Xakurkê de maneno û mîyanê çalakîyanê xurtan de ca geno. Dima ra semedê perwerdekerdişê hemrayanê xo tewrê xebatanê akademîkan beno û bi desan embazanê xo museneno ke senî çekê giranî yenê şuxulnayene. Ewro çalakîyê xurtê yê gerîlayanê azadîye ke yenê kerdene, rolê hemrayê ma Çekjînî tede zaf o. Hemrayê ma Çekjînî bi waştişê xo tewrê têkoşînê fedayîtîye yê herêma Şehîd Delîl Zagrosî beno.''
