Merkezê Îrtîbatî û Çapemenîye yê HPGyî nasnameyê gerîlayêkî eşkera kerd û nê zanayîşî pare kerdî:

''Pêkewtişanê operasyono ke 7ê nîsan a 2019î de warê Dîyana yê herêma Besta ya Şirnexî de ame destpêkerdene de hemrayê ma Helgurt (Nakaroz Suphanî) tewrê kerwenê şehîdan bi. Nasnameyê embazê ma wina yo:

Name û Peyname: Helgûrt Merîwan Nameyê Qodî: Nakaroz Suphanî Cayê Bîyayîşî: Merîwan Maye-Pî: Fatma-Salah Tarîx û Cayê Şehadetî: 7ê Nîsane 2019 / Besta

Hemrayê ma Helgurt bajarê Merîvanî yê Rojhelatê Kurdîstanî de ameyo dinya û keyeyêko welatperwerde bîyo pîl. Sey heme ciwananê Kurdîstanî ê zî qijtîya xo de raştîya dişmenî nas kerde û verê xo da koyanê Kurdistanî. Semedê azadîya çar leteyanê Kurdîstanî bi felsefeya Rayber Apoyî gama tewrbîyayîşî ra heta şehadetê xo bi ruhêkê fedayî têkoşîn kerd. Hemra Helgutî Zagrosan ra heta Botanî xeylêk cayan de cayê têkoşînî de mend û  heme wezîfeyê xo bi serkewtiş ardî ca. Sere de sereyê keyeyê embaz Helgurtî wa sereyê heme şarê ma yê welatperwerî weş bo. Ma soz danê heta ma waştişanê şehîdanê xo bica bîyarê ma do mucadeleyê xo bidomnê.''