Merkezê Îrtîbatî û Çapemenîye yê HPGyî derheqê şehadetê gerîlayêkî de eşkerayîyêke daye û nê vatî:

''Ma eşekrayîya xo ya 26ê hezîrane de vatbi ke 8ê hezîrane de ke warê Deşta Silopî yê herêma Koyê Cûdîyî yê Şirnexî de pêkewtişê mabênê hêzanê ma û leşkeranê dişmenî de embazêkê ma şehîd bi.  Zanayîşê nasnameyê embazê ma wina yê:

Nameyê Qodî: Kahraman Birîndar Name û Peyname: Îbrahîm Algim Cayê Bîyayîşî: Şirnex Maye-Pî: Mevlude - Sebrî Tarîx û Cayê Şehadetî: 8ê Hezîrana 2020î  /Cûdî

Embazê ma Kahramano ke Şirnex de dadîya xo ra bi dormeyêk de bi pîl ke sefanê têkoşînê azadîye de bedel dayî. Embazê ma Kahraman zî sey xeylêk ciwananê bînan de Botano ke welatperwerî û têkoşîn sey tradîsyonê ci ye ra verê xo da koyanê azadan. Embaz Kahraman bi heskerdiş û eşqê xoza û koyanê azadan xo resna û bi gerîlayêko serkewte. Embaz Kahramanî ke vera artêşa tirke bi hawayêkê qehremankî heta guleyê xo yê peyênî şer kerd, tewrê kerwanê şehîdan bi.

Sere de keyeyê ercîyayeyî yê embazê ma yê şehîdî rê  ma pêro şarê Kurdîstanî yê welatperwerî rê serweşîye wazenê. Ma soz danê ke do vîrameyîşê înan têkoşînê xo reyde bidê ciwîyayene û têkoşînê xo pê serkewtişî tacîdar bikerê.''