Merkezê Îrtîbatî û Çapemenîye yê HPGyî bi eşkerayîyêke nasnameyê 2 gerîlayanê ke Amed de şehîd bîyî eşkera kerdî.

Eşkerayîye wina ya:

''8ê hezîrane de nêzdîyê Hindisî yê Warê Şehîd Kendalî yê Amedî de wextê operasyonê artêşa tirke ya îşxalkere de mabênê hêzanê ma û îşxalkeran de şer qewimîya. Nê şerî de embazanê ma Adir û Nûmanî derbê giranî dayî dişmenî ro, heta fîşekê xo yê peyênî şerd ker û şehîd bîyî. Nasnameyê embazanê ma yê şehîdan wina yê:

Nameyê Qodî: Nûman Birûsk Helhel Name û Peyname: Ramazan Ugurluyan Cayê Bîyayîşî: Amed Maye-Pî: Mûhtereme – Mehmet Selîm Tarîx û Cayê Şehadetî: 8ê Hezîrana 2020î / Amed

Nameyê Qodî: Adir Xiznigos Name û Peyname: Ramazan Gorkan Cayê Bîyayîşî: Amed Maye-Pî: Harûne - Îbrahîm Tarîx û Cayê Şehadetî: 8ê Hezîrana 2020î / Amed

Embazanê ma Nûman û Adir Amed de dadîyanê xo ra bîyî  vera zulmê dewleta tirke ruh da xoverdayîşê azadîye.

Embazanê ma xeylêk waranê xoverdayîşî de ca girewt û bi serran zî xoverdayîşê Amedî de wezîfe kerd. Embazanê ma Nûman û Adirî bi îradeyê xurtî yê Apogîrîye vera artêşa tirke ya îşxalkere şer kerd û derbê giranî dayî dişmenî ro. Xoverdayîşê embazanê ma Nûman û Adirî do her tim seba têkoşînê azadîye bibo çimeyê îlhamî.

Ma sere de keyeyanê ercîyayeyan ê embazanê ma rê, pêro şarê Kurdîstanî rê serweşîye wazenê. Ma soz danê ke ma do alaya azadîye ya şehîdanê xo biresnê serfîrazî.''