Merkezê Îrtîbatî û Çapemenîye yê HPGyî nasnameyê 2 gerîlayanê ke Metîna de şehîd bîyî eşkera kerdî.

Eşkerayîye wina ya: 

''2ê hezîrana 2021î de Girê Koordîne yê herêma Metîna de netîceya çalakîye de şer qewimîya. Embazanê ma Şeho û Hêvî bi çêrî vera artêşa tirke ya îşxalkere şer kerd û şehîd bîyî. Nasnameyê wird embazanê ma yê şehîdan wina yê:

Nameyê Qodî: Şaho Çalak Name û Peyname: Abdûrrahman Fahrî Cayê Bîyayîşî: Ciwanro Maye-Pî: Habîbe Fethî-Mûhammed Tarîx û Cayê Şehadetî: 2ê Hezîrana 2021î / Metîna

Nameyê Qodî: Hêvî Jînda Name û Peyname: Kîneme Aslan Cayê Bîyayîşî: Îstanbul Maye-Pî: Bêrîvane-Mehmet Tarîx û Cayê Şehadetî: 2ê Hezîrana 2021î / Metîna

Embazê ma Şaho Çolak şaristanê Ciwanroyî yê Rojhelatê Kurdîstanî de dadîya xo ra bi û şehadetê kekê xo ra dima 2009 de tewrê gerîlayan bi. Embaz Şahoyî tim xîret kerd ke hetê îdeolojîk û leşkerî ra xo aver bero. Embaz Şahoyî pê qerarê xo Vakurê Kurdîstanî de têkoşîn kerd û dima ke dewleta tirke hêrişê Metîna kerd embaz Şaho seba ke qesasê şarê xo bigêro tewrê çalakîyan bi. Embaz Şaho Girê Koordîne de bi hawayêkê fedayî tewrê çalakîye bi, şi serê çeperanê dişmenî û leşkerê dişmenî ceza kerdî. O pê zerrîya xo ya pake, kesayetê xo yê zerrînimzî  bi milîtano mîsal ê embazanê xo û Hemleya Cengê Xabûrî de bi çêro bêmerg.

Embaze Hêvî Jînda sey kênaya keyeyêkê serhedijî metropolanê Tirkîya de dadîya xo ra bîye û vera sîstemê asîmîlasyon û înkarî aye verê xo da koyanê Kurdîstanî. Tewrbîyayîşê dima embaze Hêvî koyan de cuya azade dîye û bi kelecanî lez cuya gerîlayan musaye. A Qendîlî ra heta Zagrosan û Behdînanî xeylêk herêmanê Başûrê Kurdîstanî de xebitîyaye. Embaze Hêvî sey gerîlaya YJA-Starî tewr peyên Metîna de mîyanê Hemleya Cengê Xabûrî de şer kerd û cinîya azade temsîl kerd. A bîye milîtana raştikêne ya YJA-Starî.

Ma keyeyanê ercîyayeyan ê embazan Şaho û Hêvî rê û pêro şarê welatperwerî yê Kurdîstanî rê serweşîye wazenê. Ma sozê xo dibare kenê ke do qetî serkewtişî bîyarê ca.''