Merkezê Îrtîbatî û Çapemenîye yê HPGyî bi eşkerayîyêke nasnameyê 2 gerîlayanê ke Wan de hêrişê hewayî de şehîd bîyî eşkera kerdî.

Eşkerayîye wina ya:

''Ma eşkerayîya xo ya 13ê tebaxa 2020î de dabi eşnawitene ke 11ê tebaxe de artêşa tirke ya îxşalkere warê Kato Xelîla yê qezaya Şaxî yê Wanî de dest pê operasyonî kerd û netîceya hêrişêkê hewayî de embazê ma Destan û Rêber şehîd bîyî. Zanayîşê derheqê nasnameyanê embazanê ma yê şehîdan de wina yê:

Nameyê Qodî: Destan Hazo Name û Peyname: Belyen Bozyîgît Cayê Bîyayîşî: Êlih Maye-Pî: Lutfîye-Mehmet Tarîx û Cayê Şehadetî: 11ê Tebaxa 2020î / Wan   Nameyê Qodî: Rêber Mordem Name û Peyname: Mûrat Şîpal Cayê Bîyayîşî: Wan Maye-Pî: Feyrûze-Huseyîn Tarîx û Cayê Şehadetî: 11ê Tebaxa 2020î / Wan

Embazê ma Destan Êlih de dadîya xo ra bîyo û vera polîtîkayanê qirkerdişê dewleta tirke serra 2015î de warê Gabarî de tewrê gerîlayan bi. Embaz Destan her warî de bêteredut wezîfeyê stratejîkî girewtî xo ser û bi moralêkê pîlî tewrê wezîfeyan bi. Embazê ma Rêber Wan de dadîya xo ra bîyo û serra 2014î de bi hêrsê qesasî vera hêrişanê dewleta tirke tewrê gerîlayan bi. Wextêkê kilmî de embaz Rêberî xo aver berd. Seba ke bibo gerîlayêko serkewte kedêka pîle daye. Embazê ma Rêber bi tewirê xo yê milîtanî wezîfe û mesuldarîyê xo ardî ca.

Sere de keyeyanê ercîyayeyan ê embazanê ma rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do têkoşînê şehîdanê xo yê çêran ser bivisnê.''