Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî.

Eşkerayîye wina ya:

''16ê hezîrana 2021î de bombardumananê artêşa tirke ya îşxalkere yê vera Herêmanê Pawitişî yê Medya de embazê ma Çîya, Raman û Çekdar şehîd bîyî. Nasnameyê embazanê ma yê şehîdan wina yê:

Nameyê Qodî: Çiya Zagros Name û Peyname: Osman Abdulvahab Rifayî Cayê Bîyayîşî: Amûdê Maye-Pî: Nedawa – Abdulvahab Rifayî Ca û Tarîxê Şehadetî: 16ê Hezîrana 2021î / Herêmê Pawitişî yê Medya

Nameyê Qodî: Raman Xebat Name û Peyname: Ugur Teymur Cayê Bîyayîşî: Amed Maye-Pî: Ebrize – Abdulsamed Ca û Tarîxê Şehadetî: 16ê Hezîrana 2021î / Herêmê Pawitişî yê Medya

Nameyê Qodî: Çekdar Amed Name û Peyname: Botan Guzel Cayê Bîyayîşî: Amed Maye-Pî: Ayfere – Mehmet Ca û Tarîxê Şehadetî: 16ê Hezîrana 2021î / Herêmê Pawitişî yê Medya

Embazê ma Çîya şaristanê Amûdê yê Rojawanî de dadîya xo ra bîyo. Embaz Çîyayî xebatanê Şorişê Rojawanî de ca girewt. Embaz Çîya nê prosesî de zaf reyî birîndar bi la kînê xo vîn nêkerd. Embaz Çîyayî dima verê xo da koyan û bi gerîlayêko profesyonel. Embaz Çîyayî 2020 de Heftanîn de xeylêk çalakîyan de derbê giranî dayî dişmenî ro. Çîya dima tewrê Hêzanê Taybetan bi û bi qerardarî rayraşîyayîşê xo rê dewam kerd. Embaz Çîyayî heta nefesê xo yê peyênî perwerîya bi şehîdan û Rayberîye ra fek vera nêda.

Embaz Raman qezaya Bismilî ya Amedî de dadîya xo ra bîyo. O wextê Şorişê Rojawanî de tewrê têkoşînî bi û dima zî seba ke felsefeya Rayberîye hol bişinaso tewrê gerîlayan bi. Embaz Ramanî têkoşînê vera dişmenî de qetî teredut nêkerd û heta şehadetê xo xeta fedayîye ya Rayberîye temsîl kerde. Embaz Raman pê qerardarîya xo tewrê Hêzanê Taybetan bi. O cuya xo ya partîye de tim embazanê xo rê bi mîsal û vateyê 'Ruhê embazîya PKKyî sembolê serkewtişî yo' ser o pê pratîkê xo embazanê xo rê mîrasêko pîl verda.

Embaz Çekdar qezaya Sûrî ya Amedî de dadîya xo ra bîyo. Embaz Çekdar domanîya xo de pê asîmîlasyonê dewlete hesîya û ciwanîya xo de tewrê xebatanê ciwanan bi. O dima tewrê gerîlayan bi û pê coş û moralê xo bale ante xo ser. Embaz Çekdar pê kesayetê xo yê kedkar û mesuldarî bi mazharê heskerdişê embazanê xo û semedo ke qesasê embazanê xo bigêro ey tim bi îdîa şer kerd. Embaz Çekdarî kerd ke kesayetê xo pê raştîya Rayberîye awan bikero. O nê oxirî de bi şerwanêko qerardar.

Ma sere de keyeyanê ercîyayeyan ê embaz Çekdar, Reman û Çîyayî rê, pêro şarê welatperwerî yê Kurdîstanî rê serweşîye wazenê. Ma soz danê ke xeta Rayber Apoyo ke fedayîyo tewr pîl o de têkoşînê ma yo fedayî qetî serfîrazî bîyaro ca.''