Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî. Eşkerayîye wina ya:

''Embazê ma Rênas, Hogir û Berxwedan wexto ke warêkî ra derbazê warêkê bînî bîyêne 19ê temmuza 2024î de herêma Katolî de netîceya dafika hêzanê Îranî de şehîd bîyî.

Hîrê embazanê ma nameyê xo tarîxê azadîya şarê ma ser a nuştî. Ma zî sey teqîbkeranê înan seba ke bibê layîqê înan bi hişmendî têbigêrê.

Bi nê hîsan ma sere de keyeyanê şehîdanê xo yê ercîyayeyan rê pêro şarê Gever, Mexmûr, Cizîra Botan û pêro Kurdîstanî yê welatperwerî rê serweşîye wazenê. Ma soz danê ke hesreta embazanê xo bikerê sebebê pîlkerdişê têkoşînî.

Nasnameyê embazanê ma wina yê:

Embazê ma Rênas Gever de dadîya xo ra beno. O hêverî xebatanê ciwanan de cagêno û dima 2014 de verê xo dano koyan. O Herêmanê Pawitişî yê Medya de perwerde vîneno û ca de adapteya koyan beno. O bi aktîfî mîyanê şerî de cagêno û dima Hêzanê Taybetan de cagêno. Embazê ma Rênas bi waştişê xo derbazê Vakurê Kurdîstanî beno. O tim sey merdimê xo Fermandar Egîd Civyanî keno ke xoverdayîşêkê zixmî bikero û nê armancî ser o şehîd beno.

Embazê ma Hogir Cizîra Botanî de dadîya xo ra beno. La dima metropolan de beno pîl. O Zanîngehê Gazîyî de tewrê xebatanê ciwanan beno. O wextêk tepişîyeno la dima ke zîndanî ra vejîyeno tewrê gerîlayan beno. O bi perwerdeyan xo hîna zaf aver beno. Embazê ma Hogir Vakurê Kurdîstanî de refanê şerî de beno wayîrê kedêka pîle. O bi samîmîyet û kesayetê xo zî pêro embazanê xo rê beno nimûne. Ma soz danê ke ala ey a têkoşînê Apogîrî do bivisna serî.

Embazê ma Berxwedan Etrûş de dadîya xo ra beno û dima keyeyê ci Kampa Mexmûrî de cabeno. O binê tesîrê têkoşînê gerîlayan ê vera DAÎŞî de maneno û 2015 de bi tesîrî verê xo dano  koyan. O Herêmanê Pawitişî yê Medya de perwerde vîneno û derbazê Vakurê Kurdîstanî beno. Embazê ma Berxwedan pêro erk û mesuldarîyanê xo bêkêmasî ano ca û bi têkoşînê xo cewab dano hêrişanê dişmenî. O tim soz û pratîkê xo keno yew, bi nê hawayî şehîd beno.''