Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî.

Eşkerayîye wina ya:

''15ê temmuza 2017î de herêma Cûdîyî yê Botanî de artêşa tirke ya îşxalkere warê Gundik Remoyî de oeprasyon kerd. Hemrayê ma Serhildan, Serdem û Rûbar yê ke mîtîlanê serkêşî yê şarê xo yê şehîd bîyî. Ma serrgêra şehadetê hemrayanê xo de înan bi hurmet yad kenê.

Nasnameyê hemrayanê ma yê şehîdan wina yê:

Nameyê Qodî: Serhildan Amed Name û Peyname: Mahsûm Aslan Cayê Bîyayîşî: Amed Maye-Pî:Netîce-Mehmet Ca û Tarîxê Şehadetî: 15ê Temmuza 2017î / Cûdî

Nameyê Qodî: Serdem Sorî Name û Peyname: Mehmet Saît Guneş Cayê Bîyayîşî: Mehmet Saît Guneş Maye-Pî: Fatma-Necmettîn Ca û Tarîxê Şehadetî:15ê Temmuza 2017î / Cûdî

Nameyê Qodî:Rûbar Çirav Name û Peyname: Mûsa Saîn Cayê Bîyayîşî: Sêrt Maye-Pî: Vesîle-Mûstafa Ca û Tarîxê Şehadetî:15ê Temmuza 2017î / Cûdî

Embazê ma Serhildan Amed de ameyo dinya û raştîya qirkerdişî ya ke dewleta tirke vera kurdan rayra bena dîya û tewrê xebatanê ciwanîye bîyo. Dima ra dîye ke vera hêrişanê qirkerdişî têna pê xoverdayîşê gerîlayan serkewtiş mumkun o û 2012 de verê xo dayo sefanê têkoşînî. Badê tewrbîyayîşî semedê xo bedilnayîş û newe ra afernayîşî bi felsefeya Rayberîye xo resnayo û bîyo mîlîtanêko fedayî. Seba ke dişmenî ra qesasî bigîro verê xo dayo Botanî ke tim xeyalê ey bi. Tîya xeylêk çalakîyan de ca girewt ke derbeyê pîlî dîyayî dişmenî ro. Hemrayê ma Serhildan semedê ma do tim çimeyê îlhamî bo.

Hemrayê Serdem keyeyêko welatperwer û kedkar ê Botanî ameyo dinya bi kulturê xoverdayîşî bîyo pîl. Hemrayê ma Serdemo ke eşîrê Sorî ke rixmê heme hêrişan tim sereberz wayîrê ercano vejîyeno, ra yo seba ke dewleta tirke ra hesab biperso verê xo dayo koyanê azadan. Herêma Cûdîyî de tewrê gerîlayan bîyo û perwerdeyê xo yê verên tîya girewto. Wextêk cayê fermandarê efsaneyî yê Cûdîyî Rizgar Geverî de mendo. Hemê waranê Cûdîyî de pê eşqê pîlî xebatî kerdî. Hemrayê ma Serdem do semedê ciwananê Sorî bibo nimûne û têgêrayîşê azadîye de tim bêro ciwîyayene.

Hemrayê Rûbar keyeyêko welatperwer ê Dîhê Sêrtî de ameyo dinya pê tradîsyonê xoverdayîşê fermandarê ma yê efsaneyî Egîdî bîyo pîl. Ê zî xo sey zîlê berzeyê nê xoverdayîşî dîyo û nê rayîrê bimbarekî de rayra şîyo. Bi berpirsîyarîya xo ya tarîxî Botan de tewrê sefanê gerîlayan bîyo. Xeta Egîdî de hem xo resnayo  heme zî  wezîfeyê xo biserkewtiş ardî ca. Vera hêrişanê îşxalî bi tewirê Egîdanê Botanî şer kerd û bi helqayêka eynî rêzilê qehremanîye.

Ma sere de keyeyanê ercîyayeyan ê embazanê xo Serhildan, Serdem û Rûbarî rê, pêro şarê welatperwerî yê Kurdîstanî rê serweşîye wazenê. Ma soz danê ke ma do têkoşînê şehîdan bi serkewtişî tacîdar bikerê.''