Merkezê Îrtîbatî û Çapemenîye yê HPGyî pare kerd ke gerîlayê înan Canane Gundogdu (Jîyane Agit Muş), Nazê Şêx Ebdê (Destîna Fîraz Kobanê) û Serhat Kurt (Azad Êriş) pêkewtişê Girê Koordîne yê Metîna de 15ê tebaxe de şehîd bîyî.

Nameyê Qodî: Jîyane Agir Mûş Name û Peyname: Canane Gundogdu Cayê Bîyayîşî: Mûş Maye-Pî: Şukrane-Selîm Tarîx û Cayê Şehadetî: 15ê Tebaxa 2021î / Metîna

Nameyê Qodî: Destîna Fîraze Kobanê Name û Peyname: Nazê Şêx Ebdê Cayê Bîyayîşî: Kobanê Maye-Pî: Xezale-Abdulgafûr Tarîx û Cayê Şehadetî: 15ê Tebaxa 2021î / Metîna

Nameyê Qodî: Azad Êriş Name û Peyname: Serhat Kurt Cayê Bîyayîşî: Wan Maye-Pî: Songul-Osman Tarîx û Cayê Şehadetî: 15ê Tebaxa 2021î / Metîna

Eşkerayîya HPGyî wina ya:

''Embaza ma Jîyane Mûş de dadîya xo ra bîya. Embaze Jîyane ciwanîya xo de vera asîmîlasyonî tewra xebatanê ciwanan bîue. Embaze Jîyane semedê têkoşînê hîna aktîfî 2016 de tewra têkoşînê koyan ê azadan bîye. Embaze Jîyane tim embazîya PKKyî kesayetê xo de temsîl kerde, felsefeya Rayberîye de xorin bîye. A Hemleya Cengê Xabûrî de bîye wayîra  pratîkêkê serkewteyî. Embaze Jîyane pê tewirê xo yê Apogîrî û xoverdayîşê xo yê çêrî do ma rê bibo mîsal û çimeyê hêzêkê pîlî.

Embaze Destîna Kobanê de dadîya xo ra bîya. A xoverdayîşê Kobanê ra dima pê tesîrê fedayîtîya Apogîre tewra gerîlayan bîye. Embaze Destîna cade terz û teknîkê gerîlatîye de bîye weste û bîye şerwana qesasê cinîyan ê kurdan. Embaze Destîna pê terzê fedayîtîye tewra xeylêk çalakîyan ê fedayîyan bîye. Aya çalakîya Girê Koordîne de zî nemexlûbîya gerîlayan reyna îsbat kerde. Embaze Destîna pê fedayîtîya Apogîre û qerardarîya xo tim Îdeolojîya Azadîya Cinîyan de biciwîya.

Embaz Azad Wan de keyeyêkê welatperwerî de dadîya xo ra bîyo. Embaz Azad 2017 de Botan de tewrê gerîlayan bi.Embaz Azadî wextê hêrişanê vera Metîna de mîyanê çalakîyan ê verênan ê Hemleya Cengê Xabûrî de ca girewt. Embaz Azadî tewr peyên 15ê tebaxe de rayberîya tay çalakîyanê 15ê Tebaxe kerd û pê derbanê giranan cewabê îşxalkeran da. Embaz Azad pê qerardarîya xo û fedayîtîya xo ya Apogîre tim do bibo çimeyê îlhamî yê têkoşînê azadîye.

Embazanê ma Jîyane, Destîna û Azadî pê çêrîyêka pîle vera hêrişanê îşxalî xo ver da û nê oxirî de bêteredut ganê xo dayî. Ma reyna soz danê ke do pê serfîrazî têkoşînê înan tacîdar bikerê. Sere de keyeyanê ercîyayeyan ê şehîdanê ma rê ma pêro şarê welatperwerî yê Kurdîstanî rê serweşîye wazenê.''