Merkezê Îrtîbatî û Çapemenîye yê HPGyî derheqê Demhat Amed (Îslam Olçay) û Argeş Bagork (Ozgur Ay) yê ke Bagok de şehîd bîyî nê zanayîş pare kerdî:

''29ê kanûna 2023yî de herêma Bagokî ya eyaletê Mêrdînî de netîceya temasê ke bi dewleta tirke qewimîya de 3 embazê ma şehîd bîyî. Zelal bi ke nê pêkewtişan de hemrayê ma Demhat Amed û Argeş Bagok şehîd bîyî. Nasnameyê hemrayê ma bînî zî hema zelal nêbîyo. Ma do pêra nasnameyê ey zî eşkera bikerê.

Hemrayê Demhat û Argeş  ê ke Vakurê Kurdîstanî de vera artêşa tirke berpirsîyarîya tarîxî girewte xo ser û hedef û xeyalê xo ardî ca. Wird hemrayanê ma zî zanayêne ke no têkoşîn senî zehmet o la bi coşê pîlî tewrê ci bîyî. Hemrayanê ma zanayêke ke têna bi tewirê fedayî yê çew eşkeno ser bikewo û her hala xobi ferasetê şorişî ciwîyayî û semedê azadîya Rayberîye û şar xo heta şehadetê xo têkoşîn kerd.

Ma sere de keyeyanê erjîyayeyan ê hemrayanê xo Demhat û Argeşî rê heme şarê welatperwerî yê Kurdîstanî rê serweşîye wazenê û soz danê ke heta caardişê xeyalanê hemrayan xo ma do têkoşînê xo bidomnê.

Nasnameyê hemrayanê ma yê şehîdan wina yê:

Nameyê Qodî: Demhat Amed Name û Peyname: İslam Olçay Cayê Bîyayîşî: Amed Maye-Pî: Saliha – Şehmus Tarîx û Cayê Şehadetî: 29ê Kanûna 2023yî / Mêrdîn

 

Nameyê Qodî:  Argeş Bagok Name û Peyname: Ozgur Ay Cayê Bîyayîşî: Mêrdîn Maye-Pî: Yildize – Adnan Tarîx û Cayê Şehadetî: 29ê Kanûna 2023yî / Mêrdîn

Hemrayê ma Demhat Amed de yeno dinya û keyeyêkê welatperwerî de beno pîl. Hema domanîya xo ra têkoşînê ma yê azadîye nas keno. Sey her domanê kurdan ê zî o raştîya dişmenî mekteb û kuçeyan vîneno. Seba ke hemrayê ma Demhat Sûr de beno pîl ke tewr zaf raştê hêrişî yeno, vera dişmenî hêrsê ey çend şino zêdîyeno. Hemrayê ma Demhat verî tewrê xebatanê ciwanan beno û  2014 de Dîlok de unîversîte caverdeno û verê xo dano koyanê azadan ê Kurdîstanî û tewrê refanê gerîlayan beno.

Demêko kilm Vakurê Kurdîstanî de maneno û dima ra verê xo dano Herêmanê Pawitişî yê Medya. Tîya perwerdeyê şervananê neweyan vîneno û beno gerîlayêko serkewte. Dima ra ravîyereno Mektebê Operasyonî yê Şehîd Mehmed Goyîyî û tîya perwerde vîneno. Hemrayê ma Demhat seba ke vera DAÎŞî şarê xo bipawo şino Rojawan. Badê binkewtişê çeteyan reyna agêreno koyanê azadan û Akademîya Şehîd Îbrahîmî de tewrê perwerdeyî beno û dima ra verê xo danê Vakurê Kurdîstanî ke tim xeyalê ci keno. Hemrayê ma Demhat herêma Mêrdînî de heme berpirsîyarîya xo ano ca bi hewayêkê fedakarî têkoşîn rayra beno.

Hermayê ma Argeş Nisêbînê Mêrdînî de yeno dinya û keyeyêkê welatperwerî de beno pîl. Ciwanîya xo de tewrê xebatanê ciwananê şorişgêran ê welatperweran beno. Xeylêk serhîldanan de serkêşîye keno. Xeylêk rey yeno destbendkerdene û la çireyn rayîrê xo ra anêgereno.''

Hemrayê ma Argeş 2014 de Bagok de verê xo danê koyanê Kurdîstanî û tewrê refanê gerîlayan beno. Heta 2017 eyalatê Mêrdîna de gerîlatîye keno û dima ra verê xo dano Herêmanê Pawitişî yê Medya.Tîya akademîya pîsporîye ya leşkerî de perwede vîneno û sey gerîlayê serekwteyî rolê xo kay keno. Sey gerîlayêkê pîsporî verê xo dano Vakurê Kurdîstanî û eyalatê Mêrdînî de wezîfe geno xo ser ke tim xeyalê ci bi. Xeylêk çalakîyanê serkewteyan de ca geno.