HPGyî nasnameyê di şehîdan eşkera kerdî
HPGyî nasnameyê gi gerîlayanê ke Xakurkê de şehîd bîyî eşkera kerdî û vat: ''Ma şexsê hemrayanê xo Ararate û Siyabendî de soz danê ke ma do têkoşînî xurtêr bikerê û waştişê şehîdan bîyarê ca.''
ŞEHÎDÊ XAKURKÊ
Merkezê Îrtîbatî û Çapemenîye yê HPGyî nasnameyê di gerîlayanê ke Xekurkê de şehîd bîyî eşkera kerdî û nê vatî:
Hemrayê ma Ararat Tolhildan û Siyabend Welat Rizgar manga nîsane ya 2024î de herêma Xakurkê de şehîd bîyî. Ma şexsê hemrayanê xo Ararate û Siyabendî de reyna soz danê ke ma do bi têkoşînê xo bibê layîqê şehîdanê xo û waştişê înan bîyarê ca. Ma sere de keyeyanê erjîyayeyan ê hemrayanê xo Ararate û Siyabendî heme şarê welatperwerî yê Kurdîstanî rê serweşîye wazenê.
Nasnameyê hemrayanê ma yê şehîdan wina yê:
|
|
Nameyê Qodî: Ararate Tolhildan Name û Peyname: Sara Cezayir Cayê Bîyayîşî: Kobanê Maye-Pî: Wetha – Xelîl Tarîx û Cayê Şehadetî: Nîsana 2024î / Xakurkê |
|
|
Nameyê Qodî: Welat Rizgar Name û Peyname: İbrahim Alizade Cayê Bîyayîşî: Maku Maye-Pî: Medîne – Mihemed Tarîx û Cayê Şehadetî: Nîsana 2024î / Xakurkê |
Hemraya ma Ararate Kobanê de yena dinya û bi kulturê welatperwerîye bena pîl. Seba ke merdimê ci refanê gerîlayan de est ê, têgêrayîşê azadîye rewî ra nas kena. Hemraya ma Ararate vera hêrişanê sîstematîkî yê sîstemî yê vera ciwanan û cinîyan tewrê xebatanê ciwanan bena. Bado ke xalkênaya ci Hemudî Herekol û xalê ci Şiyar - Mihemmed Cezayîr Kobanê de şehîd benî qerar gena ke do têkoşînê xo xurtêr bikero. 2015î ra dima profesyonel mîyanê xebatanê de ca gena.
2016 de akademîya ciwanan de perwerde gena. Xebatanê ciwanan de hîrê serrî tecrube kena pêser û dima ra tewrê refanê gerîlayan bena. Herêmanê Pawitişî yê Medya de perwerdeyê şerwananê neweyan gena û wextêk tîya falîyet rayra bena. Badê perwerdeyê leşkerî ravîyarena Xakurkê û tîya sey gerîlaya YJA Starî wezîfeyanê xo yê şorişgêrî bi serekwtişî ana ca. Hemraya ma Ararata ke bi pratîkê xo yê serkewteyî bena mîlîtana nimûne ya PKK û PAJKî hêrişê vera Xakurkê de şehîd bena.
Hemrayê ma Siyabend bajarê Maku yê Rojhelatê Kurdîstanî de sey ferdêkê eşîrê Birûkî yeno dinya û keyeyêkê welatperwerî de beno pîl. Seba ke bi destananê qehremanîye yê gerîlayan beno pîl hema qîjtîya xo de gerîlayan nas keno. Seba ke şar û erdê xo bipawo bi hewayêkê qerardarî verê xo dano koyanê Kurdîstanî û tewrê refanê gerîlayan beno. Perwerdeyê verênî hemrayanê xo ra geno. Bado ke waranê cîya cîyayan de maneno verê xo dano Herêmanê Pawitişî yê Medya û tîya perwerdeyo akademîk vîneno û ravîyareno herêma Xakurkê û tîya de zî seba ke wezîfeyê xo bi serkewtişî bîyaro ca keda pîle dano. Hemrayê Siyabend hêrişê vera Xakurkê de şehîd beno.''
