Merkezê Îrtîbatî û Çapemenîye yê HPGyî nasnameyê 4 gerîlayanê ke Avaşîn de şehîd bîyî eşkera kerdî. Eşkerayîye wina ya:

''Dewleta tirke ya îşxalkere semedo ke astengîya îşxalê Başûrî PKK tasfîye bikero 23ê nîsana 2021î de vera Herêmanê Pawitişî yê Medya operasyonêk dabi destpêkerdene. Destpêkê operasyonî ra nata hêzê ma Avaşîn, Metîna û Zap de xoverdayîşêkê tarîxî kenê, îşxalkeran bi hawayêkê bêhempayî bin kenê. Hêzê ma pê taktîk û terzê dewrê neweyî yê gerîlatîye bi taybetî avaşîn de vera derban danê dişmenî ro. Nê xoverdayîşê tarîxî de embazanê ma Dorşîne, Şevger, Şervan û Baranî pê ruhê Apogîrî tewrbîyayîşêkê aktîfî kerd û nusîyayîşê tarîxê destanwarî rê hetkarîya girînge kerde.Embazanê ma vera artêşa tirke ya îşxalkere sere de Werxêle de xeylêk noqtayan de çalakîyê serkewteyî kerdî û pêkewtiş û bombardumananê hezîrane de nê embazê ma şehîd bîyî.

Nasnameyê embazanê ma yê şehîdan wina yê:

Nameyê Qodî: Dorşîne Amara Name û Peyname: Betule Yuksek Cayê Bîyayîşî: Erzirom Maye-Pîl: Lemane – Halil Tarîx û Cayê Şehadetî: 6ê Hezîrana 2021î / Avaşîn

Nameyê Qodî: Şervan Reşo Name û Peyname: Tekîn Orenlî Cayê Bîyayîşî: Wan Maye-Pîl: Aygule – Ubeyt Tarîx û Cayê Şehadetî: 6ê Hezîrana 2021î / Avaşîn

Nameyê Qodî: Şevger Herves Name û Peyname: Refîk Aydemîr Cayê Bîyayîşî: Bedlîs Maye-Pîl: Nilufere – Reşît Tarîx û Cayê Şehadetî: 6ê Hezîrana 2021î / Avaşîn

Nameyê Qodî: Baran Barî Name û Peyname: Muhammed Medres Cayê Bîyayîşî: Kobanê Maye-Pîl: Xezne – Mewlan Tarîx û Cayê Şehadetî: 21ê Hezîrana 2021î / Avaşîn

Embaze Dorşîne Erzirom de dadîya xo ra bîye û a serra 2015î de vera Planê Çinkerdişî tewra gerîlaya bîye. Embaze Dorşîne hêrişanê vera Heftanînî de tewra xeylêk çalakîyan bîye, bîye wayîra tecrubeyan û gerîlatîya dewrê neweyî de xo aver berd. Embaze Dorşîne dima derbazê Avaşînî bîye. Aye tim mesuldarîyê xo ardî ca, kerd ke cewabêk bida nê mesuldarîyan. Embaz Dorşîne pê ciwanî, kelecan û enerjîya xo embazanê xo rê bîye çimeyê moralî.

Embaz Reşo Wan de dadîya xo rabîyo û vera şerê taybetî yê dewleta qirkere tewrê gerîlayan bi. Embaz Reşo cade cuya gerîlayan musa, tim kewt peyê averberdişê kesayete xo. Ey Garê, Qendîl û Cîlo de gerîlatîye tecrube kerde, vera DAÎŞî Mexmûr de şer kerd. Embaz Şeroyî 2019 ra nata avaşîn de vera dişmenî şer kerdêne û pê kesayetê xo yê fedakarî vejîyayêne vernî. Embaz Reşo pê kesayetê xo, nêzdîbîyayîşê xo yê cidîyî embazanê xo rê bi mîsal.

Embaz Şevger Bedlîs de dadîya xo ra bi û serra 2015î de vera Planê Çinkerdişî tewrê gerîlayan bi. Embaz Şevger tim pê îdîa û qerardarîya xo ya pîle tewrê çalakîyan bi, herêma Avaşînî de pê waştişê xo têkoşîn kerd. Embaz Şevgero ke dima bîyo profesyonel derbê pîlî dayî dişmenî ro. O do pê kesayetê xo yê şorişgêrî û ruhê xo yê milîtanî tim mîyanê têkoşînê ma de biciwîyo.

Embaz Baran Kobanê de dadîya xo ra bîyo. Ey wextê şerê Kobanê de gerîlayî şinasnayî, tesîrê Rayber Apoyî yê serê Şorişê Rojawanî dîyî û semedo ke rayber Apo nêzdî ra bişinaso tewrê gerîlayan bi. Embaz Baranî wextê hêrişanê tewr giranan de Avaşîn de tim rayberîya çalakîyan kerde, pê kelecanê xo yê ciwanîye bi milîtanêko rayber. Embaz Baranî pê şerê vera îşxalkeran mîyanê çêranê Avaşînî de cayê xo girewt.

Embazanê ma Dorşîne, Şevger, Şervan û Baranî semedo ke şarê xo rê sozê xo bîyarê ca têkoşîn kerd û şehîd bîyî. Ma sere de keyeyanê ercîyayeyan ê şehîdanê xo rê şarê welatperwerî yê Kurdîstanî rê serweşîye wazenê.''