Saetanê şanî de vera îşxalê dewleta tirke û seba vergirewtişê şerê zereyî rayberîya hunermendan, rêxistin û partîyan de Başûrê Kurdîstanî de verê Baxê Giştî yê Silêmanî de çalakîya rayraşîyayîşî ameye kerdene.

11 grûb û rêxistinanê cîyayan, hunermendan çalakîye organîze kerde. Nameyê kome û rêxistinan wina yê: Sekoy Vera îşxalî, Grûba Asoya Nû, Merkezê Karanê Niştimanan, Heng, Welatperwerê Kurdîstanî, Rêxistina Niwêger, Sendîkaya Hunermendan a Silêmanî, Temsîlkarîya Fişarî, RJAK, Cepheyê Demokrasîya Şarî, Ciwanê Welatperwerî yê Kurdîstanî.

Rayraşîyayîş de hunermend, sîyasetmedar, roşnvîr û Heyetê Haştîye yo Mîyanneteweyî amade bîyî. Çalakîye de vera îşxalî pankarî ameyî akerdene û sloganê sey 'Biciwîyo yewîya kurdan', 'Biciwîyo xoverdayîşê Metîna, Avaşînî' ameyî vatene.

Çalakîye de Têgêrayîşê Azadîye ser o Rehman Resûlî qisey kerd û vat: ''Ganî ma verê çeka xo bidê dişmenî ro way û birayanê xo ro nê.''

Dima mesajê partîyan ê bînan ameyî wendene. Mesajan de ame waştene ke verê şerê zereyî yê kurdan bêro girewtene û vera îşxalê tirkan tewir bêro girewtene.

Dima hunermendî pê hunerê xo vera îşxalî vejîyayî. Çalakîye pê govende qedîyaye.