Hunermendanê kurdan Hewlêr de vera hêrişê îşxalî yê dewleta tirke û şerê mabênê kurdan o ke yeno waştene ke bêro vejîyayene, eşkerayîye daye. Hunermenda waşt ke wa partîyê kuran bêrê têhet û pîya têbigêrê.

Hunermendê ke vizêrî ra Hewlêr de dormeyanê cîya cîyayan de pêvînayîşan kenê ewro veraşan eşkerayîya çapemenîye daye û ard ziwan ke ê semedê şerê mabênê kurdan senî qerqilîyenê.

Dîyar Dersim: Ma hunermendî şarmîyenê ke qala şerî bikerê. La nika ma semedê şerê mabênê kurdan qerqilîyenê. Ma pê bawer ê ke şarê ma zî nê şerî nêwazeno û paştî dano waştişê ma ke verê şerî bêro girewtene. Ma zanê ke Şerê mabênê kurdan xançero gonîn o ke dişmen wazeno  bido ma ro. Ma hunermendî haştîye wazenê.

Nasir Rezazî: Hêzê ke hêrişê Kurdîstanî kenê mîyanê xo de her tewir îtîfaq kenê. La partîyê kurdan semedê haştîye û muzakeran nênê têhet. Îşxalkerî wazenê kurdan çîn bikerê.  Ma vanê wa mabênê kurdan de şer çînêbo.  Eke heta nika kurdî pîya têbigêrayêne nika zafêr aver şibi.

Şehên Talebanî: Qey ma yewbînan bikişê? Ganî partîyê kurdan goreyê şarê kurdî bifikîrîye û wina têbigêrê. Kurdîstan binê tehluke de yo. Ma nêwazenê reyna mabênê kurdan de şer bibo.

Şivan Perwer: Eke ma xo mepawê, qet yewna welat nêno şarê ma nêpaweno. Kurdî her hetê dinya de estê la qet cayêkê dinya de kurdî nênê pawitene.

Hunermendanê bînan zî vera îşxal û şerî semedê haştîye û yewîya kurdan veng da.