Jinên Tîrêjên Rojê pare kerd ke qezaya Geverî ya Colemêrgî de vizêr saete 02.30 de vera Qereqolê Polîsan ê 75. Yilî û merkezê polîsanê tîmanê taybetan ê taxa Eskî Kişla bi fîşekanê hewayî, teqaberanê destviraşteyan û çekanê ferdîyan çalakîyî kerdî.

Eşkerayîye de dîya zanayene ke çalakîye ra dima mabênê yewinanê înan û polîsanê îşxalkeran de hetê serê sibayî şer qewimîyayo û wina ame vatene: ''Rixmo ke hûmara eşkera nêzanîyena zî ame dîyene ke wird qereqolan de xeylêk polîsê leşkerî birîndar bîyê ke birîna tayê înan hema zî giran a.''

Jinên Tîrêjên Rojê dîyar kerd ke yewinê înan çalakîye ra dima weş û war agêrayîşî waranê xo.

Eşkerayîye de wina ame vatene: ''Na çalakîya ma ya serkewte seba yadkerdişê Fermandar Rênas Oremarîyo ke Rojawan de ameyo qetilkerdene û seba yadkerdişê şehîdanê 14ê Temmuze yo. Ma soz danê ke do qesasê şehîdanê xo bigêrê, vîrameyîşê înan bi serkewtişî tacîdar bikerê.''