Endamê Komîteya Rayberdişî ya PKKyî Duran Kalkanî cewab da persanê Medya Haber TVyî û rojdem ercna.

Qiseykerdişê Duran Kalkanî ra beşêk wina yo:

''Ez serrgêra şehadetanê înan de embazan Hakî Karer, Îbrahîm Kaypakkaya bi rêzdarî û minetî yad kena. Dima ke embaz Îbrahîm Kaypakkaya pê îşkence ame qirkerdene şorişgêrî kewtî peyê cigêrayîşanê neweyan. PKK zî netîceyanê nê cigêrayîşan ra yew o. Ronayîşê PKKyî ra dima serra 1976î ra dima têgêrayîşê ma şehîdê pîlî dayî. Bi taybetî menga gulane de sey Ferhat Kurtay, Xoverdayoxê Zîndanê Amedî, Mehmet Karasungur, Îbrahîm Bîlgîn, Abdulkadîr Çubukçu, Ramazan Kaplan şehîd bîyî coka menga gulane menga şehîdan a. PKKyî hema Konferansê 1. de 18ê Gulane sey 'Roja Şehîdan' îlan kerde. Roja Şehîdan yena manaya wayîrvejîyayîşê şehîdan, famkerdişan şehîdan. Caardişê armancanê şehîdan yeno manaya famkerdişê înan.

Serekê Amerîka bi mengan vindert û 23ê nîsane de werişt Erdoganî rê telefon kerd. Nê pêvînayîşî de mesajê 'Ma hetê to de yê hêrişê kurdan bikerê' dîya. Xora telefonî ra dima hêrişanê vera Zap, Metîna û Avaşînî dest pêkerd.

Ma têkoşîn kenê, înan rê teda kenê, sîyasetê hîşmendîya kolonyalîste teng kenê, anê verê rijîyayîşî la Ewropa, Amerîka, Rûsya destê xo kenê derg û xîret kenê bixelisnê. No sîstem faşîzmî payan ser o vindarneno.

AKP-MHP wazeno PKK tasfîye bikero, verê qirkerdişê kurdan akero. Çunke PKK xeta azadîye de şino. Oyo ke Têkoşînê Azadîye yê Kurdan raşt fam keno û bi her hawayî bedelan dano PKKyî. Coka wazenê PKK çin bikerê.

Faşîzmê AKP-MHPyî pêro îmkananê xo xebitneno, her çi gêno verê çimanê xo ke PKK çin bikero, gerîlayan qetil bikero. Ma vanê hêrişê îşxalî. Xora wina yo la peyê nê qirkerdişî esto. No hêrişêko qirker o, çinker o.

Êyê ke bi hawayêkê zelalî paştî nêdanê mîyankî ra paştî danê dewleta tirke Bexdad û Heewlêrî ra veng nêvejîyeno. Gelp Parlamentoya Kurdîstanî key qisey bikera? Gelo na parlamentoo seba ke vera PKKyî biran bigêra ronîyaye? 1992î ra nata gelo vera PKKyî çend birî dîyayî? wa rayêke zî vera dewleta tirke bire bida. Wa her kes bizano ke hêrişê AKP-MHPyî qirker û çinker ê. Ganî her kes bi hawayêkê cidîyî nêzdîyê na mesele bibo û raştîye fam bikero.

Avaşîn, Zap û Metîna de şerêko giran qewimîyeno. Pê hêzê teknîkî înan xo da tay herêman ser. No serkewtişêko leşkerî nîyo. Xora tay waranê Kurîstanî de înan ca da xo. Rewşa winasêne de hêzê ke Kurdîstan de ca bîyê do bibê hedef gerîlayan2016î ra nata tay giranê Çelê de ca bîyî û tim bîyî hedefê gerîlayan. Şer nika asta berze de dewam keno. Goreyê bîlançoya peyêne 147 leşkerê înan kişîyayî, xeylêk zî birîndarê înan estê. Hêzo ke şer bikero do şehîdan zî bido. Ma şehadetî û şer girewtî verê çimanê xo. Her war vurîya warê şerî.

Ma sey partî û gerîlayan vera îşxalkeran xo ver danê û do xo ver bidê. PKK xo sey hêzê xopawitişî yê Kurdîstanî, îradeyê azadîye vîneno. PKK nê îşxalî zî sey hêzê rijnayîşî vîneno û vera ci 40 serrî yo şer keno. No xoverdayîş 220 serrî yoo dewam keno. Kurdan PKKyî ra verî zî xo ver dayêne. Nika gerîlayî nê xoverdayîşî danê dewamkerdene.

Ma verî venga hêzanê kurdan da ke ma pîya Kurdîstan bipawê, vera îşxalî têbigêrê û azadîye ronê. No vengdayîşê ma dewam keno. Wexto ke îşxal, hêriş û qirkerdişî dewam kenê vindertiş gelo xizmetê kamî keno? Parlamentoya Başûrî gelo key birêke bigêra? Meclîsanê Vakurî key bira bido? Ganî ê nika qisey bikerê. Ganî tewirê azadîye bêro mojnayene.

No xoverdayîş xoverdayîşê Tirkîya û rojhelatê Mîyanênî yê demokratîkî yo. Ma venga şaranê Rojhelatê Mîyanênî, şaranê ereb û farsan, şorişgêr û hêzanê sîyasîyan danê ke bêrê ma pîya vera faşîzmî xo ver bidê, demokrasî awan bikerê.

Têkoşînê vera faşîznî her ca de yo. Hêrişê faşîstî her ca de yê. Êyê ke hêrişê Mamreşo û Zendûra kenê turîzmê Mersîn û Antalya ra pereyan qezenç kenê, falan karî ra pereyan qezenç kenê, pê çeke gênê, hêrişê gerîlayan kenê. Yanî hedef her cayo, faşîzm her ca de yo. Coka ganî xoverdayîş zî her ca de bibo. Eke şima paştî danê gerîlayan nê xebatanê madîyan asteng bikerê. Mîsal meverdê Antalya, Îzmîr û Mersîn de pere bêro qezençkerdene.

Sere de cinîyî, ciwanî ma venga pêro karker, kedkarani şarê ma yê çar parçeyanê Kurdîstanî danê ke her ca de têkoşînê vera faşîzmî pîl bikerê. Serkewtiş wina visîyeno destî. Şer û faşîzm têna Mam Reşo de nîyo Îstanbul, Antalya, Çukurova, Dengizê Reşî, Vakurê Kurdîstanî, Efrîn, Başika de yo. Her ca de yo. Ganî her kes ney bivîno û raşt bikero.''