Endama Konseya Têgêrayîşê Şorişgêrî yê Yewbîyayeyî yê Cinîyan (KBDH) Hêvî Sarya û Endamê Konseya Rayberdişî ya Têgêrayîşê Şorişgêrî yê Yewbîyayeyî yê Şaran (HBDH) Tekîn Yoldaşî bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî mesajî erşawitî. Înan mesajê xo de vist vîrî ke Kampanyaya Hashtagî ya 'Azadîye do ser bikewa' ewro dest pêkena.

Mesajê Hêvî Sarya wina yo: ''Ma bi rêzdarî embaz Abdullah Ocalanî selam kenê ke bi taybetmendîyanê xo yê embazîye û Rayberîye kesayetêko girîng o. Ma do tecrîdî bişiknê, nê sîstemê îşkenceyî birijnê. Ma do faşîzmî birijnê, serdestîya camêrdan çin bikerê û azadîya xo bîyarê ca.''

Mesajê Tekîn Yoldaşî wina yo: ''Rayberê Şarê Kurdî Abdullah Ocalan 9ê teşrîna verêne ya 1998î de pê tedaya hêzan ê emperyalîstan neçare mend ke Sûrîye ra vejîyo. No destpêkê prosesê esîrkerdişî yê 15ê sibata 1999î bi. Ma paştî danê têkoşînê semedê azadîya Abdullah Ocalanî. Azadîya Rayberê Şarê Kurdî Abdullah Ocalanî semedê azadîya şaranê Rojhelatê Mîyanênî dîyarker a. Rijnayîşê tecrîdî û caardişê azadîye parçeyêko girîng ê têkoşînê azadîye yê karker, kedkar û bindestanê Tirkîya yo.''