Hemserekîya Konseya Rayberdişî ya KCKyî semedê şehadetê rojnameger Seyîd Evranî, bombardumanê vera Binarê Qendîlî û şewatê Mûsilî eşkerayîyêke daye. Eşkerayîye wina ya:

''Mûsil de şewatê salona veyveyî de tewr tay se merdiman dinyaya xo bedilnaya û bi desan kesî zî birîndar bîyê. Ma zaf kewtê verê nê serebûtê dejinî. Wa rehma Homayî merdeyan ser o biba, sereyê keye û merdimanê înan weş bo. Ma birîndaran rê zî şîfaya xeyrîne wazenê. Ma dejê şarê Mûsilî û şarê Iraqî pare kenê.

Serkêşanê têgêrayîşê çapemenîya azade ra embazê ma Seyîd Evran şehîd bi. Embaz Seyîd şorişgêrêko pîl bi ke bi tewir û cuya xo mojna ke rayîrê famkerdişê raştîye tede ciwîyayîş û yewbîyayîş o. Şexsê ey de ma şehîdanê demokrasî û pêro şehîdan bi hûrmet û minetêkê pîlî yad kenê. Ma soz danê ke ser bikewê.

Netîceya hêrişanê dewleta tirke ya qirkere de Binarê Qendîlî de dewa Bokrîskanî de dewijêke şehîd bîye û tay dewijî zî birîndar bîyî. Ma merdimanê şehîde û şarê Qendîlî ra serweşîye wazenê. Dewleta tirke bi nê qirkerdişan reyna îsbat kerd ke tek armancê ci kiştişê kurdan o. Ma nê hêriş û qirkerdişan şermezar kenê. Ma venga her kesî danê ke vera dewleta tirke bi xurtî tewirê xo bimojno. Dewleta tirke estbîyayîşê şarê Qendîlî ra aciz a, coka hêrişê ci kena. Seba ke şarê Qendîlî tewirê xo yê welatperwerîye ra fek vera nêdano dewleta tirke bi hêrişan wazena uca çin bikera. Dewleta tirke ya faşîste çend hêriş bikera zî do nêeşka şarê Qendîlî bitersna.''